________________
६४५
धूवसुंदरनिवकहा जइ देमि गिहाबाहिं निग्गयसाहाए झ त्ति झंपमहं । ता वियडे अयडम्मि पडामि सुहडो व्व निमंतं ॥ ८२८३ ॥ नूणं मह हयहरणप्पवेसभवपावपडलविडविस्स । इह मरणेणं कुसुमं फलं तु होही नरयपडणं ॥ ८२८४ ॥ मं दट्ठमिमे गोसो चोरो त्ति विचिंतिउं हणिस्संति । ता तमतिरोहिओ वडठिओ वि अप्पं पयासेमि ॥ ८२८५ ॥ इय चिंतिय तेणुत्ता ते तुम्हाणं कहेमि सव् पि ।। वुत्तंतं मं पच्छा मुंचिज्जह वा हणेज्जाह ॥ ८२८६ ॥ तं सोउं तो हुत्तं इह ट्ठिओ वि हु कहेसु तो तेण । कहिओ आमूलाओ नियओ तीए य वुत्तंतो || ८२८७ ॥ भणियं च जइ न पत्तियह मज्झ ता नियह कुवयस्संतो । सुहडं धणुतूणीराभरणजुयं संपयं चेव ॥ ८२८८ ॥ तं सोउं पक्खित्तो तेहिं वरित्ताए दीवओ कूवे ।। सच्चविओ य तरंतो जह कहियगुणो मओ सुहडो ॥ ८२८९ ॥ कूवाओ तमायड्ढिय गहिऊणाभरणमुज्झयं मडयं । “निज्जीवेण वि कज्जं जेण तयं धिप्पए नन्नं ॥ ८२९० ॥ एय विरहं न सत्ता सहिउं न विचिंतिउं च पुत्तेहिं । लहुमाया वि हु बद्धा सद्धिं मडएण कुविएहिं ॥ ८२९१ ॥ तं पि विणिग्गहणिज्जो चोरो त्ति पयंपिओ हयहरो वि । पावंति चोरजारा जइ वा किं कत्थई पूयं ॥ ८२९२ ॥ नवरं तुमए सव्वं पि साहियं तेणं तं विमुक्को सि । उवयारओ सदोसो वि मुच्चए जेणिमा नीई ॥ ८२९३ ॥ मडयं चडावियं सूलियाए निद्धाडिया य लहुजणणी । रोसो न मयरिउम्मि वि गच्छइ किं पुण जियंतम्मि ?” ॥ ८२९४ ॥ धरिऊण सबहुमाणं दिणत्तिगं अस्सहरयं पुरिसं पि । पिउमयकिच्चं काउं सम्माणेउं विसज्जंति ॥ ८२९५ ॥
Jah Education International
For Private & Personal Use Only
www.jainelibrary.org
