________________
धूवसुंदरनिवकहा
गुरुरयतुरयं आरुहिय आग ओहमिह अज्ज कज्जेण । सच्चविओ तुमए वि हु वियसियकुवलयदलच्छीए ॥। ८२३१ ॥ हयकीलणच्छलेणं मयच्छि ! तं पेच्छिया मए सुइरं । “ तुह स्वस्स न तित्ती पत्ता जा पिएण व जलस्स" ॥ ८२३२ ॥ असमस्सिणेह सव्वस्स रसवसुप्फुल्लनयणकमलेहिं ।
अवलोईओ तए वि हु अहमणिमिसविब्भमधराए || ८२३३ ॥ नाओ तुहाणुराओ मए तए वि हु ममाणुराओ वि । “नयणेहिं चिय नज्जइ अहवा हिययट्ठिओ भावों" ॥ ८२३४ ॥ एत्थंतरम्मि तुमए धम्मिल्लो छोडिऊण कुसुमाई । खित्ताइं अह पएसे अमिलाणाइं पि तव्वेलं ॥ ८२३५ ॥ मं पेच्छिरीए उव्वेल्लिऊण केसेहिं विरइया वेणी । आमीलियनयणाइं मं पेच्छिय तं गया स हिं ॥। ८२३६ ॥ नाओ मए वि भावो जह मह दिन्नो इमाए संकेओ । कह मन्नह अमिलाणाई एत्थ कुसुमाई खित्ताई || ८२३७ ॥ केसेहिं निसितमम्मि तह नयणनिमीलणेण सुत्तजणे । अहमाहूओ त्ति वियड्ढयाए नायं मए जेण ॥ ८२३८ ॥ "वंकभणियाई कत्तो ? कत्तो अद्धच्छिपेच्छियाइं च ? ऊससियं पि मुणिज्जइ छइल्लजणसंकुले गामे ।। ८२३९ ।। ता रंभोरु ! तुहत्थे एत्थ अहं आगओ तुह विओगा । पज्जलियजलणजालाजलिरंगो इव दिणं गमिउं ॥ ८२४० ॥ सा जंपइ चउजामो वि सामि ! मह वासरो सहस जामो । तुह विरहविहुरयुम्मायजायतावाए संजाओ ॥ ८२४१ ॥ अमयमओ पिय तं जं तुह मिलणो मे गओ विरहतावो । “किं सिसिरकिरणजोन्हाजोगो घम्मं न पसमेइ" ? || ८२४२ ॥ इय रम्मपेम्मसव्वस्समुव्वहंतेहिं तेहिं तत्थेव । रइया रइकीलाओल्लसंतमयमयणमत्तेहिं ॥ ८२४३ ॥
Jain Education International
For Private & Personal Use Only
६४१
www.jainelibrary.org
