________________
सिरिअणंतजिणचरियं
तो कुमरो करुणारसपरिपूरिज्जंतअंतकरणजुओ । वारिज्जंतो वि निवाइएहिं वेगेणमुत्तिन्नो ॥ ४५३ ॥ गाढीकयपरिहाणो दढबंधनिबद्धसुद्धमुद्धरूहो । छुरियालंकरियकडी वेगेण गओ गयस्सऽग्गे ॥ ४५४ ॥ रे रे निग्घिण ! मायंग ! कम्मचंडाल ! पावपुंज ! तुमं । मुत्तुं महिलं मह सम्मुहमेहि, कुमरेण इय भणिओ ॥ ४५५ ॥ तढुव्वयणस्सवणा दुगुणतरीहूअकोवउक्करिसो । उद्धाविओ करी सो कुमारमग्गेण वेगेण ॥ ४५६ ॥ पुरओ गच्छइ कुमरो रएण पेच्छइ तं गयं इंतं । निच्वंपि अप्पमत्ता हवंति गुरुणो, न किमवाए ? ॥ ४५७ ॥ धावइ धणियं हत्थी वि कुमरमग्गम्मि मारणासाए । को वा कुणइ पमायं रिउम्मि परिभवकरे नियडे ? ॥ ४५८ ॥ नियडे गयमवलोइय वलिओ कुमरो रएण वामंगं । हत्थी वि तहा सिस्सो व्व न मुयए गुरुकमाण पहं ॥ ४५९ ॥ करिमक्कमिउं करणेण निवसुओ दाहिणंगमणुपत्तो । चलिओ गओ वि कुमराणुपह, कम्मं व जीवस्स ॥ ४६० ॥ अच्चंतपरिस्संतं नाऊण करि नरिंदतणएण । खित्तं नियुत्तरीयं, रिउ त्ति कोवेण तं गहिडं ॥ ४६१ ॥ जा करिणा निययकरो पक्खित्तो ताव निवडिया बाला । ईसि पमत्तो जाओ कुमरो करुणाए तं दऔं ॥ ४६२ ॥ तो गहियं निवतणओ झड त्ति रुद्रुण हत्थिणा तयणु । हाहारवमुहलमुहो जाओ लोगो वि सव्वत्तो ॥ ४६३ ॥ तं दटुं भणइ निवो धावह धावह झड त्ति पडिकारा ! । धरह करिं मारह वा मोयावह कुमरमिहि ति || ४६४ ॥ तणतुलियजीवियव्वा ता पडिकारा पमुक्कगुरुहक्का । तिव्वयरआरियाहिं पहणेउं हत्थिमारद्धा ॥ ४६५ ॥
Jain Education International
For Private & Personal Use Only
www.jainelibrary.org
