________________
जलसारकहा
तो भडधडसिररणसरहरूवपभिईय विरईयं पच्छा । नियसाहावियरूवं तुह विब्भमकारणे कुमरे ! ।। ८१२७ ।। ता वच्छ ! अपत्थं पिव नराण रज्जं पि होइ असुहाय । गिम्हनईनीरं पिव झिज्जर अणुदिवसमवि आउं ॥ ८१२८ ॥ नरनयणाणिमिसत्तं व जोव्वणं नो कयाइ ठाइ थिरं । कलुससहावाओ सया बहुलनिसाओ व मयच्छीओ ॥ ८९२९ ॥ किं बहुणा ! सव्वं पि हु विणस्सरं भवसमुब्भवं वत्युं । सारयघणो व्व सोयामणि व्व जलबुब्बुओहो व्व ॥ ८१३० || ता वीयरायदेवं पडिवज्जसु तं सरायमुज्झित्ता । पाविय वंछियफलयं कप्पतरुं सरइ को निंबं ॥ ८१३१ ॥ निग्गंथम्म गुरुम्मि गुरुबुद्धिं कुणसु मा पुण सगंथे । पत्तम्मि सुयणसंगे मग्गइ किं कोइ खलगोठि ? ॥। ८१३२ ॥ मुत्तुमतत्ते अंगीकरेसु जीवाइयाइं तत्ताइं ।
को गुंजाओ गिण्es चइऊणमणग्घरयणनिहिं ॥ ८१३३ ॥ पडिबोहिउं तुममहं जाओ निरिणो नियम्मि पडिवन्ने । तं सुणिय जाइसरणेण नियभवे पेच्छिंय कुमारो ॥। ८१३४ ॥ जंपइ पणामपव्वं पडिवन्नं पावियं तए सामि ! ।
तं मोत्तुं नन्नो तिहुयणे वि परमोवयारी मे ॥ ८१३५ ।।
इहि गिहिधम्ममहं काहमसत्तो म्हि सव्वविरईए । किं मयमुहगयमज्जं कज्जं काउं तरइ कलहो ? || ८१३६ ॥ इय तेणुत्ते तियसे सहस त्ति तिरोहिए गओ तेओ । अब्भंतरीए तरणिम्मि दुरवलोओ पयावो व्व ॥ ८१३७ ॥ संपत्तमित्तत्तो पत्तो नयरे गुरुक्कमे नमिउं ।
गिण्हइ गिहत्थधम्मं कल्लाणे को पमायपरो ? || ८१३८ ॥ रंकेण व रयणनिही वरवेज्जो वाहिण व्व संपत्तो । सद्धम्मो तेणं सो कयकिच्चं कलइ अप्पाणं ।। ८१३९ ॥
Jain Education International
For Private & Personal Use Only
६३३
www.jainelibrary.org
