________________
जलसारकहा
तेत्तं भयवं ! मे भवंतरे वि हु भवेज्ज तं चेव । देव - गुरु- धम्मतत्ताण देसओ विरईयपसाओ || ८१०१ ॥ इय जंपिय तेण नओ गओ मुणी नहयलं अलंकरिउं । सो वि गुरुविरहविहुरो खणमेत्तमचेयणो व्व ठिओ ॥ ८१०२ ॥ नमिउं बहुमाणपुरस्सरं जिणं निग्गओ जिणाययणा । नियपुरगमणोवायं चिंतंतो गमइ दिणसेसं ॥ ८१०३ ॥ एत्थंतरम्मि नहमग्गसंगिनग्गोहसाहिसिहरम्मि । अल्लीणा आगंतूण पक्खिणो झत्ति भारुंडा ॥ ८१०४ ॥ ते माणुसभासाए नियवुत्तंते कहंति पुत्ताणं । एक्केण जंपियमहं जयसारपुराओ संपत्तो ॥ ८१०५ ॥ तप्पुरसमग्गवणिवग्गअग्गणी चंदतेयनामो जो । संभिन्नपवहणो सो मओ अपुत्तो त्ति जणवाओ ॥ ८१०६ ॥ निसुओ निवेण तो से गहिओ निल्लुडिऊण घरसारो । जे जोयंति असंतं पि ते न किं संतिमिह छिद्दं ? ॥ ८१०७ ॥
गुत्तंपि धणं कहियं कयत्थणाकंपिराए कंताए । अप्पम्म विणस्संते कज्जं किं सयणदविणेहिं ? ।। ८९०८ ॥
एयं आरामियजणकहिज्जमाणं मए सुयं वच्छ ! । इय भारुंडपयंपियसवणा सो चिंतइ ससोओ ॥ ८१०९ ।। पेच्छ जहा मह लच्छी पसरंतसुवन्नतारसारा वि । सिग्घं पि खयं पत्ता गिम्हसमुब्भूयरयणि व्व ॥ ८११० ॥ अत्थज्जणदुबुद्धी दिन्ना देव्वेण मज्झ रुट्ठेण । किं देइ करचवेडं कयाइ कुविओ विहिविलासो ॥ ८१११ ॥ किविणाण चक्कवट्टी जाओ हं सव्वहा जओ न मए । दव्वव्वओ विरईओ सुपत्ततित्थेसु धणिणा वि ॥ ८११२ ॥ किं सायरतरणधणज्जणं विणा मज्झमासि न वहतं । जं मे गया सिरी जीवियं पि संदेहमणुपत्तं ॥ ८११३ ॥
Jain Education International
For Private & Personal Use Only
६३१
www.jainelibrary.org
