________________
६२८
जं अच्चब्भुयधणकणभरियं पि पवहणं विहडियं मे । मरणंतव्वसणं सिंधुमज्झाणहमवि संपत्तो ॥ ८०६४ ॥ जं जस्स जया जायइ सुहमसुहं वा तयं तया तेण । धेज्जमवलंबिऊणं सहियव्वं जेणिमं भणियं ॥ ८०६५ ॥
सिरिअणंतजिणचरियं
जं चिय विहिणा लिहियं तं चिय परिणमइ किं वियप्पेण । ईय जाणिऊण धीरा विहुरे वि न कायरा हुंति ॥ ८०६६ | एवं विभावणागयविसायवसजायमणअवट्ठेभो । अवलोईउं पवत्तो रमणीए पव्वयपएसो ॥ ८०६७ ||
गुरुसिहरगुहाकंदरनियंबनिज्झरसयाई पेच्छंतो ।
भक्तो य फलाई कइवयदिवसाइं तत्थ ठिओ || ८०६८ ॥ किच्छेणमवरदिवसे तग्गिरिसिहरम्मि दुग्गमे चडिओ । अवलोयइ अइबहलं वणसंडं मेहखंड व ॥ ८०६९ ॥ अनिलतरलाओ जुत्तो निवडतो नज्जए कुसुमनियरो । सुक्कोदयत्थभवघणपडलाओ व करयनिउरंबो ॥ ८०७० ॥ जं मज्झट्ठियकंचण - मणिमयजिणभवण - किरण - कब्बुरियं । कप्पहुमसंडं पिव सोहइ आभरणगणजुत्तं ॥ ८०७१ ॥ तम्मज्झे गयणंगणगयसिंगजिणहरं सुवन्नमयं । मेरुं पिव अवलोयइ तलसंठियभद्दसालवणं ॥ ८०७२ ॥ आभाइ जस्स सिहरे संकंतानिलचलासियधयाली । सुरगिरिजिणन्हाणपवत्तदुद्धजलपवहपंति व्व ॥ ८०७३ ॥ तम्मि पविट्ठो सो नियइ निरुवमं रिसहसामिणो बिंबं । उम्मीलियभत्तिवसुल्लसंतरोमंचकंचुईओ ॥ ८०७४ ॥ नमई तं भालतलग्गमिलियमहिमंडलो पहरिसेण । रईयकरजुयलकोसो नियई य नाहं अणिमिसच्छो || ८०७५ ॥ एत्थंतरम्मि एगो चारणसमणो नहेण संपत्तो । कयतिप्पयाहिणो रिसहसामियं थोउमाढत्तो ॥ ८०७६ ॥
Jain Education International
For Private & Personal Use Only
www.jainelibrary.org
