________________
फलसारकहा
६२३
काउं कयाइरज्जाहिसेयपरमूसवं कुमारस्स । गहियव्वओ निवो पत्तकेवलो मोक्खमणुपत्तो || ८००० ॥ नवनिवई वि नएणं पालेइ पयाओ दंडए दुढे । मन्नइ महायणीए पूयइ पुज्जे खले चयइ ॥ ८००१ ॥ पुव्वभवोवज्जियसुकययकम्मसंभारभावओ सव्वे । खोणीवइणो तं देवयं व आराहयंति सया ॥ ८००२ ॥ एगाहिवत्तधरणीवइत्तसंपत्तउत्तमजसस्स । तस्सुप्पन्नो कईया वि पुत्तओ पट्टदेवीए ॥ ८००३ ॥ विहिउं वद्धावणयं नामं कुमरस्स कित्तिसारो त्ति । दिन्नं रन्ना सम्माणिऊण निस्सेस पुरलोयं ॥ ८००४ ॥ परिवड्ढिउमारद्धो कमेण मज्झा वयाणमुवणीओ | . समहियकलो जाओ समलंकियजुव्वणो कुमरो ॥ ८००५ ॥ परिणाविओ य उव्वणजोव्वणकमणीयरायकुमरीओ । समयम्मि तमभिसिंचिय रज्जे राया गुरुविराया ॥ ८००६ ॥ नाणधरसूरिपासे गहिडं दिक्खं तवं तविय तिक्खं । उप्पन्नणंतनाणो पत्तो सो सिद्धिसंबंधं ॥ ८००७ ॥ जह विहिया फलपूया फलसारेणं महामहीवइणा । अन्नेण वि सिवसुहमिच्छुणा तह च्चेव कायव्वा ॥ ८००८ ॥ फलपूयं अणुसरिउं फलसारो भूवई इमो भणिओ । इण्हिं जलपूयाए जलसारकहं निसामेह ॥ ८००९ ।। (जलपूयाए जलसारकहा) भूरिहिमनिम्मिओ इव पुंजियकप्पूरदलसमूहो व्व । रुप्पयमओ विसालो वेयड्ढो नाम अस्थि गिरी ॥ ८०१० ॥ रुप्पयमयम्मि जम्मिं तमालकंकेल्लिकयलिसंडाइं । रिट्ठारुणमरगयं मणिसिहराई पिव विरायंति ॥ ८०११ ॥
Jain Education International
For Private & Personal Use Only
www.jainelibrary.org
