________________
फलसारकहा
६२१
मज्झिमपरिणामज्जियनरत्तभावाहमेत्थ वेयड्ढे । उप्पन्नो सो कत्थइ मज्झ पिओ तं न याणामि ॥ ७९७४ ॥ मह पुव्वजम्मसद्धम्मदायगो एस चारणमुणिंदो । जं दट्टुं संजायं मह जाईसरणनाणमिणं ॥ ७९७५ ॥ मोत्तुं परभवदईयं सद्धम्मुच्छाहयं पवंगं मे । न नरंतरपरिणयणे मणो मणोरहमवि करेइ ॥ ७९७६ ॥ तं सोऊणं सहीहिं सव्वं पि हु साहियं खयरपहुणो । तेण वि वाहरिय सुयं वुत्तं जुत्तं इमं पुत्ति ! || ७९७७ ॥ किं तु न नज्जइ चउगइभवगहणे सो कहिं पि उप्पन्नो । ता मोत्तुमसमग्गाहं अवरवरं वरसु तं वच्छे ! ॥ ७९७८ ॥ सा साह मज्झ अंगे लग्गइ सो सुहयरो अहव अग्गी । तं सोऊणं जणओ जाओ चिंताउरो दूरं ॥ ७९७९ ॥ एत्थंतरम्मि सुयदुंदुहिस्सरो दारवालमवणिवई । किमिमं ति पुच्छए सो वि तस्स तइ मुणिय विन्नवइ ॥ ७९८० ॥ पहु ! इण्हि चिय पत्तस्स सूरिणो णंतनाणमुप्पन्नं । तो केवलिमहिममिणं कुणंति अमरा सबहुमाणं ॥ ७९८१ ॥ तं सोउं भत्तीए खयरवई कन्नया जुओ सबलो । केवलिपासे पत्तो पणमिय तं देसणं सुणइ ॥ ७९८२ ॥ आह पहू संसारो धुवं असारो विणस्सरा रिद्धी । खणराइणीओ रमणीओ गत्तरं जीवियव्वं पि ॥ ७९८३ ॥ ईय देसणावसाणे खयरिंदो नमिय केवलिं भणइ । पहु ! मह सुया भवंतरपई कई कत्थ उप्पन्नो ? || ७९८४ ॥ तो कहइ विमलनाणी फलपूयाकरणपत्तपुन्नभरो । मरिठं सो सूरप्पहपुररायपयावसारस्स ॥ ७९८५ ॥ पुत्तो जाओ फलसारनामओ अत्थि चारुतारुन्नो । तं सोउं खयरवई पणयपहू मंदिरे पत्तो ॥ ७९८६ ॥
Jain Education International
For Private & Personal Use Only
www.jainelibrary.org
