________________
फलसारकहा
सुनरामरत्त - सिवसुह-फलाई भत्तीए विरईया नूणं । फलपूया पूयकराण वियरए जेणिमं भणियं ।। ७९४८ ॥ एक्कं पि फलं पुरओ जो ठवइ जिणस्स परमभत्तीए । तस्स फलंति अवस्सं नरस्स सयलाओ वि दिसाओ ।। ७९४९ ।। तं सोउं सत्थवई भत्तिब्भरघणयगुरूकमंबुरूहो ।
अंगीकरइ सया विहु जिणपूयाभिग्गहं विणई ॥ ७९५० ॥
साहागएण साहामएण इय देसणं सुणेऊण ।
भणिया भज्जा दइए ! सुकरो धम्मो इमो अम्ह || ७९५१ ॥ जेणेह फलाहारो विहिणा अम्हाण निम्मिओ पायं । संति च्चिय सुरसफला इह रन्ने भूरि तरुणो वि ।। ७९५२ ॥ नूणं न किं पि सुकयं कयमम्हेहिं भवंतरम्मि पिए ! । जायाइं तेण दोन्नि वि निंदियतेरिच्छजाईए ॥ ७९५३ || एत्तो वि हु नियचावल्लदोससंजायपायवपोसाण । अम्हाणं उप्पत्ती कत्थइ भविही ? न याणामो || ७९५४ ॥ ता सुलहफलेहिं व पूइत्तुं जिणं भवन्नवं तरिमो । साहामई पयंपइ कुणह इमं चलह पउणम्हि ॥ ७९५५ ॥ एत्थंतरम्मि भणिओ गुरुणा सत्थाहिवो वयं जामो । अंबरसिहरगिरिम्मिं जिणिंदपयवंदणनिमित्तं ।। ७९५६ ।। तो आह सत्थनाहो पहु ! सो केत्तियप गिरी कहह । भइ गुरु एसो च्चिय आसन्नो गयणगयसिंगो || ७९५७ ॥ सत्थाहिवो पयंपइ अहं पि पहु ! तत्थ आगमिस्सामि । तो संचलिया गुरूणो सपरियणो सत्थवाहो वि ॥ ७९५८ ॥ उत्तरिय दुमाओ दुयं कइदुगमवि सूरिणोणुमग्गेण । गच्छइ तरच्छ-करि- हरिण -संबरसंचरजुए रन्ने ।। ७९५९ ॥ तम्मज्झे तरणिभया पिंडीहूओ व्व तमभरो तेहिं । अंबरसिहरो नामेण सामलो सो गिरी दिट्ठो ॥ ७९६० ॥
Jain Education International
For Private & Personal Use Only
६१९
www.jainelibrary.org
