________________
फलसारकहा
विस्सासिऊण वाहंति दासवित्तीए मह समं मूढं । अप्पंति पुण न अप्पं ता थीसिणेहस्स ॥ ७९२२ ॥ वच्चंतु खयं विसया पज्जत्तं मज्झ सव्वभज्जाहिं । जो हं अणप्पवसओ विडंबणं एवमणुपत्तो ॥ ७९२३ ॥ वेरग्गसंगओ विहु न सव्वविरइव्वयस्स जोग्गो हं । ता इहलोयसुहस्स व चुक्को परलोयसोक्खस्स || ७९२४ ॥ ता इह भज्जा दुच्चरियसुमरणत्थं करेमि किं पि अहं । जं दठ्ठे परलोए उप्पज्जइ मज्टा पडिबोहो । ७९२५ ईय चिंतिऊण तेणामरेण विप्फुरियकिरणरयणेहिं । रोहणगिरिसिहरं पिव रुंदं जिणमंदिरं रईयं ॥ ७९२६ ॥ गीयत्थसूरिमंतप्पइट्ठियं तत्थ कारियं तेण । सिरिरिसहनाहबिंबं जाणं व भवन्नवुत्तरणे ॥ ७९२७ सो सक्केण सयं तत्थ अट्ठदिवसाइं ऊसवो विहिओ । इय अणुदिणजिणपूयणसज्जियसुकओ चुओ अमरो ॥ ७९२८ ॥ उप्पन्नो वेयड्ढे दाहिणसेणीए अयलनामाए । नयरीए विजयप्पहरायपियाए जयाए सुओ ॥ ७९२९ ॥ विज्जुप्पो त्ति विज्जावियक्खणो मित्तमंडलीकलिओ । चलिओ नहेण कईया वि कीलिउं तं गिरिं पत्तो ॥ ७९३० ॥ दट्ठूण जिणहरं जायजाइसरणो पयासइ सहीण | कुमरो अमरत्ते नियपिया कुसीलत्तवेरग्गं ॥ ७९३१ ॥
निंदइ दुस्सीलाओ महिलाओ कहइ धम्मसव्वस्स । भणइ य भव्वं जायं जमज्जमिह कीलिउं पत्ता ॥ ७९३२ ॥
भज्जा दुचरियस्सरणकारणविरईयं जिणाययणं । जायइ जेण विराया भवंतरे सव्वविरई मे ॥ ७९३३ ॥ ता गिहिय ईय सामन्नं निस्सामन्नं तवं चरिस्सामि । ता मित्ता खमियव्वं जं तुम्ह मए कयमजुत्तं ॥ ७९३४ ॥
Jain Education International
For Private & Personal Use Only
६१७
www.jainelibrary.org
