________________
२५
गिहिधम्मे चंदसेणकहा (परिणयणसामग्गीए भावस्सस्वं) तहाहि - अन्नोन्नग्गहियकरं नवपरिणियमिहुणगं पयडइ व्व । एत्थं चेव धरिस्सं हढेण जंतं सिवपुरे तं ॥ ४१८ ॥ तारामेलयमिलमाणनयणजोण्हाभरेण अणुराओ । उल्लासिज्जइ ससहरकतीए अंबुरासि व्व ॥ ४१९ ॥ अवरोप्परवहुया-वरवत्थंचलगंठिबंधणच्छलओ । निव्वत्तिज्जइ गठि व्व निठुरो मोहकम्मस्स || ४२० ॥ वेईचउक्ककलसा तुच्छा उवरिक्कमा कहति व्व । धम्म-गुणऽत्थ-जसाणं विसया सत्ताण तुच्छत्तं ॥ ४२१ ॥ हुयघयपरिणयणानलधूमो गयणंगणम्मि गच्छंतो । उल्लासं व पयासइ विसयुब्भवभाविपावस्स ॥ ४२२ ॥
आसन्नजणं जलणो जलंतजालावलीहिं तावतो । दंसइ भविस्सदुस्सहविरहानलजालतावं व ॥ ४२३ ॥ मंगलतूरनिनाओ मंगलगीयज्झुणीहिं मासलिओ । पसरइ वित्थारंतो व्व भवनिवासं विलासीण ॥ ४२४ ॥ (नारीनिंदा) ता ताय ! मह न कज्जं भज्जाए नरयनयरपयवीए । असरिसअणप्पकुवियप्पकप्पणुप्पत्तिभूमीए ॥ ४२५ ॥ नियडिनडीरंगमहिए मोहमेहोहपाउसठिईए । विमलगुणकमलिणीवणनिद्दहणमहाहिमाणीए ॥ ४२६ ॥ असरिसजसससिमंडलपरिब्भवणपडुविडप्पदाढाए । संसारखीरसायरउल्लासणचंदजोण्हाए ॥ ४२७ ॥ सुरलोय-सिद्धिपुरदारअग्गलाए तमोहरयणीए । विणयतरुपरसुधाराए नायकेरवरविपहाए || ४२८ ॥ कुलयं
Jain Education International
For Private & Personal Use Only
www.jainelibrary.org
