________________
६१०
तो अमरेण समग्गं कन्ना कुमराण हरणवुत्तंतं । कहिउं भणिउं राया परिणावसु कन्नयं कुमरं ।। ७८३२ || ठविउं रज्जम्मि इमं अप्पहियं कुणसु गहियपव्वज्जो । इय भणिए जा चिंतइ विवाहसामग्गियं राया || ७८३३ ॥ ता अमरेण ससत्तीए झ त्ति मणिथंभयावलीकलिओ । वीवाहमंडवो पंचवन्नधयमालिओ विहिओ || ७८३४ ॥ रइया य हट्टसोहा समंतओ देवदुसविसरेण । किं बहुणा ! निवचिंतियममरेण कयं समग्गं पि ॥ ७८३५ ।। गुरुरिद्धी कुमरी दिन्ना कुमरस्स तेण परिणीया । करमोयणम्मि दिन्नं रज्जं सत्तंगमवि तस्स || ७८३६ ॥ एत्थंतरम्मि उज्जाणपालओ दंडिसूईओ पत्तो । पल्लवओ नामेणं नमिउं विन्नवइ नरनाहं ॥ ७८३७ ॥ देव्वज्जाणे कलकोइलाभिहे केवली समोसरिओ । सोऊण तयं वियरइ राया पीइप्पयाणं से || ७८३८ ॥ गुरुरिद्धीए सुरखेयरिंदनवनिवइपरिंगओ तुरियं । पत्तो उज्जाणे नमिय केवलिं तत्थ उवविट्ठो ॥ ७८३९ ॥ दट्ठूण केवलिं नवनिवई मुच्छाए महियले पडिओ | सिसिरकिरियासमुवलद्धचेयणो पुच्छिओ रन्ना ।। ७८४० ।। किं राय ! मुच्छिओ तं सो जंपइ केवलिं पलोएउं । मह जाइसरणसंसूयगा इमा आगया मुच्छा ॥ ७८४१ ॥ दिट्ठो नियपुव्वभवो हुंतो कासीभिहाणदेसे हं । दुग्गयपडागनामो आजम्मदरिद्दिओ विप्पो ॥ ७८४२ ॥ देसेसु परियडंतो कयाइ उववासतिगसुसियदेहो । पत्तो मज्झहे कणयसालपुरतिलयउज्जाणे ॥ ७८४३ ॥ दट्ठूण तत्थ नवसालितंदुले विक्किणंतए वणिए । आह अहं पहसंतो तिलंघणो देह ता किं पि ॥ ७८४४ ॥
·
Jain Education International
सिरिअणंतजिणचरियं
For Private & Personal Use Only
www.jainelibrary.org
