________________
६०९
अक्खयकित्तिनिवकहा नूणमणवलंबो निवडिऊण रायंगओ मओ होही । ईय सविसओ पत्तो कुमरसमीवे सुरो सहसा ॥ ७८१९ ॥ दठूण कुमरमारणसज्जियघायं तयं खयरखेडं । बद्धो अमरेण अदिट्ठमोरबंधेहिं सो झ त्ति ॥ ७८२० ॥ सम्माणिऊण निवनंदणस्स अवहरणकारणं कहिउं । भणिओ खयरो जीवसि जइ होसि कुमारभिच्चो तं ॥ ७८२१ ॥ मरसि धुवमन्नहा तं सोउं सो भणइ देहि मे पाणे । पहु ! तुह आणं काहं तो सो मुक्को सुरवरेण ॥ ७८२२ ॥ अमरं कुमरं कुमरिं च पणमिउं खामिउं च तेणुत्तं । चलह जह रज्जमप्पिय कुमरस्स भवामि भिच्चो हं ॥ ७८२३ ॥ सो सव्वाण वि सुरकयविमाणमारुहिय झ त्ति पत्ताणि । वेयड्ढुत्तरसेढीए गयणवल्लहपुरे ताणि ॥ ७८२४ ॥ उववेसिउं सहाए कुमरं खयराहिवेण रज्जसिरी । उवणीया भणिरेणं तं सामी सेवगो हं ते ॥ ७८२५ ॥ कुमरेणुत्तं विलससु नियलच्छि जं मए वि तुह दिन्ना । नवरं मए समाणं अणुहवमाणो सिणेहभरं ॥ ७८२६ ।। तं सोउं खयरिदेण हिट्ठहियएण पूईडं अमरं । कुमरकुमरीण रईओ सम्माणो नियसिरीसरिसो ॥ ७८२७ ॥ तो अमरो कुमरी-कुमरखेयराहिवबलेहिं संजुत्तो । चलिओ पत्तो य धरासारे नयरे गुरुरएण ॥ ७८२८ ॥ कुमरीअवहरणससोयलोयपिहियावणं तमिक्खंतो । पत्तो विसन्नसिंगारहीणनिवलोयमत्थाणं ॥ ७८२९ ॥ दटुं अमरं कुमरीए संगयं नट्ठसोय-संतावो । राया पूइय अमरं आलिंगइ कन्नयं हिट्ठो ॥ ७८३० ॥ काउं कुमारखयरेसराण सम्माणममरमुल्लवइ । मित्तसुया वुत्तंत हरणागमणाण मह कहसु ॥ ७८३१ ॥
Jain Education International
For Private & Personal Use Only
www.jainelibrary.org
