________________
अक्खयकित्तिनिवकहा
६०५
परदईया दव्वग्गहविरईयमेत्ती कुसुद्धहियआणं । किं वन्नेसि नरेसर ! सकज्जसज्जाण मित्ताण ॥ ७७६७ ॥ परिपालिया वि परिपाढिया वि अप्पियधणा वि निव ! नूणं ।। पुत्ता न परित्ताणं कुणंति नरए पडताण ॥ ७७६८ ॥ भववासलालसाणं हवंति आलंबणाई एयाइं । अणुसरियसीहवित्तीण न उण आसन्नसिद्धीण ॥ ७७६९ ॥ थिरजोव्वणाहिं अणुराइणीहिं पयईए सुरहिगंधाहिं । विसए देवीहिं समं भुत्तूण चिरं न जई तित्तो ॥ ७७७० ॥ ता गलिरजोव्वणाओ कित्तिमरायाओ दुरहिगंधाओ । नारीओ असुइभरियाओ विलसिरो किमिह तिप्पिहिसि ? || ७७७१ ॥ वसिउं समग्गसुहवत्थुपरिमलुग्गारसुरहिसुरलोए । वसियस्स असुइगब्भे न विराओ तुह हहा मोहो ॥ ७७७२ ॥ नियपडिवण्णे निरिणो जाओ हं राय ! तुह हियं कहियं । ता कुणसु जमप्पहियं मा मज्जसु मूढ ! भवकूवे || ७७७३ ॥ ईय सुय उवसमरसअमयवरिससमअमरदेसणो राया । सिरविरईयकरकोसो संविग्गमणो भणइ अमरं ॥ ७७७४ ॥ पहु ! तुमए अमएण व मह मोहमहाविसं हरेऊण । उप्पाइओ पबोहो उवयारपरा हवा गुरुणो ॥ ७७७५ ॥ ता इण्हि गिण्हस्सं दिक्खं परिणाविउं दुहियमेगं । दाउं रज्जं पि वरस्स मित्त ! ता आणसु तयं ति ॥ ७७७६ ॥ एवं ति भणिय अमरो पत्तो नयरीए चमरचंचाए । अमरो विणोयपसत्तो रायवरं सरइ दसमदिणो ॥ ७७७७ ॥ अक्खयकित्तिकुमारं हरिऊणं रयणसुंदरनिवस्स । अप्पसु झड त्ति इय भणिय पेसएणुचरममरं सो ॥ ७७७८ ॥ इय पडिवज्जिय नयरीए कित्तिकलियाए झ त्ति संपत्तो । कुमरे तुरंगनिचयं आवाहतं पुरीए बहिं ॥ ७७७९ ॥
Jain Education International
For Private & Personal Use Only
www.jainelibrary.org
