________________
६०२
सिरिअणंतजिणचरियं तेयस्सी दित्तिपहु व्व ईसरसिरसेहरो ससहरो व्व । पसमरसियमई सव्वया सुसाहु व्व जो सहइ ॥ ७७२८ ॥ निम्मलकलाकलावं परिकलयंतस्स तस्स पुणरुत्तं । जति दिणाई निरंतरपिउपयसेवापसत्तस्स ॥ ७७२९ ॥ सहिओ कयाइ समवयसिंगारियरायउत्तमित्तेहिं । आरुहिय तुरंगं तुरयवाहियालीए संपत्तो ॥ ७७३० ॥ पुलभमिरवारेक्काहिं वाहिय तुरयं निवारिठं मित्ते । दाऊण कसाघायं सो मुक्को तेण वेगेण ॥ ७७३१ ॥ विरईय गुरुतरवेओ हओ गओ जाव दूरदेसम्मि । मित्तेहिं तओ तुरया कुमरपहे पेरिया तुरयं ॥ ७७३२ ॥ महमग्गमि महिए इंति इमे नो नहे त्ति कलिउं व । सहस ति समुप्पईओ कुमरतुरंगो नहयलेण ॥ ७७३३ ॥ गुरुपवणनयणमणजवजइणा वेगेण जाइ गयणयले । कुमरतुरओ रएणं जेउं पिव रविरहतुरंगे ॥ ७७३४ ॥ उग्गीवाणं मं पेच्छिराण पीडा भडाण भविहि त्ति । परिभाविडं व तुरओ तन्नयणागोयरे पत्तो ॥ ७७३५ ॥ रायंगुरुहे हरिए हियहियओ इव समग्गपरिवारो । कायव्वविमुढमई पत्तो रायंतियं झत्ति ॥ ७७३६ ॥ साहइ कुमारहरणं तं सोउं मुच्छिओ महीनाहो । तव्वेलमेव जाओ निच्चेट्ठो चत्तपाणो व्व ॥ ७७३७ ॥ चंदणरसच्छडासेयवससमुवलद्धचेयणाहावो । रुयइ सकरुणं पागयनरो व्व अंतेउरेण जुओ ॥ ७७३८ ॥ हा हा कुमार ! हा भुवणसार ! हा रइयरम्मसिंगार ! । हा विहलियअब्भुद्धार ! हा हहा समरदुव्वार ! ॥ ७७३९ ॥ हा जाय जाय ! हा विहियनाय ! हा धरियरायमज्जाय ! । हा हा पररमणीभाय ! हा हहा भुवणविक्खाय ! ॥ ७७४० ॥
र ! हा भुवा हा समरदुबार रायमज्जाय ! ।
Jain Education International
For Private & Personal Use Only
www.jainelibrary.org
