________________
कुसुमसे हरकहा
पालइ सो रज्जतिगं नरखेयररायरइयपयसेवो । नंदीसराइठाणेसु जाइ सासयजिणे नमिउं ॥ ७७९६ ॥ उवभुंजिऊण रज्जेसु तिसु वि लच्छि पयकालं सो । रयणावलीसुयं कुसुमपरिमलं नाम ठविय पए ॥ ७७१७ ।। गुरुनयणवेगपासे घेत्तुं दिक्खं कलत्तकलिएण । उप्पन्नकेवलेणं पत्तं मोक्खम्मि नरवइणा ॥ ७७१८ ॥
कुसुमेहिं जहा रईया पूया एएण भूमिनाहेण । परमाणंदसुहत्थं कज्जा अन्नेण वि तहेव ॥ ७७१९ ॥ छ (अक्खयपूयम्मि अक्खयकित्तिनरवईकहा) एसो हु कुसुमपूयाफलम्मि सिरिकुसुमसेहरो कहिओ अक्खयपूयाए कहं अक्खयकित्तिस्स निसुणेह ॥ ७७२० ॥ मसिणियघुसिणरसेण व अरुणारुणरयणभवणकिरणेहिं । रंजंती दिसिवयणाई कित्तिकलिया पुरी अत्थि ॥ ७७२१ ॥ मणिकुट्टिमसंकंताहिं जीए निसिं गिहिरीओ मुद्धाओ । वलयाओ वेलविज्जंति मोत्तियाइं ति तारा ॥ ७७२२ ॥ ससहरजोन्हाभरसरिसकित्तिपब्भार भरियभुवणयलो । निम्मलकित्ती नामेण नरवई विलसए तत्थ || ७७२३ ॥ वामकरेणेक्केणं इयरेणुब्भामियासिजणिएण । करण व बिइएणं धरिएण रणम्मि जो सहइ ।। ७७२४ ॥ पट्टमहादेवीपयपहुत्तमुव्वहइ तस्स सियसीला । लीलायमाणदेहा कित्तिसिरी नामिया दईया || ७७२५ ॥ अच्चब्भुयस्सरूवं जीए रूवं पलोईडं दूरं । अरईए परिग्गहिया रई वि सह तरुणलोएण ॥ ७७२६ ॥ तीए समत्थि गुरुअत्थिसत्थपविइन्न अत्थवित्थारो । पुत्तो अक्खयकित्ती नामेणं कम्मणा वि सया || ७७२७ ॥
Jain Education International
For Private & Personal Use Only
६०१
www.jainelibrary.org
