________________
कुसुमसेहरकहा
५९९ तं सोउं जाईसरणनाणविन्नाय पुव्वभवचरिओ । रायाह जह पहूहिं कहियं दिळं मए वि तहा ॥ ७६९० ॥ तो रयणाभरणमुणी भणइ मुणिंदं कहेह मह भयवं ! । किं सुय-सुयाण विरहो बहुथोवदिणाणि जाओ मे ? || ७६९१ ॥ आह पहू आरामियपुत्तो कणकिन्ननामगामम्मि । आसी अंबयनामो कीरसुओ गोविओ तेण ॥ ७६९२ ॥ तो तं अनियंतं कीरजुयलमच्चंतदुक्खियं जायं । करुणं कूयइ अंसूणि मुयइ मुच्छिज्जएणुकलं ॥ ७६९३ ॥ जणएणुत्तं पुत्तय ! मुंचसु तणयं सुयाणमिण्हि पि । मा पुत्तविउत्ताणं इमाणमच्चाहियं होही ॥ ७६९४ ॥ तो तेण मइक्कंतेसु नवमुहुत्तेसु सुयसुओ मुक्को । तो संजाओ तोसो कीरीकलियस्स कीरस्स ॥ ७६९५ ॥ समयंतरम्मि कम्मि वि अवहरिया सारसीसुया तेण । तो तज्जणणिं दुहियं दटुं सहस त्ति सा मुक्का ॥ ७६९६ ।। कईया वि मासखमणे आरामे तम्मि संतियं साहुं । निच्चं पि पज्जुवासइ भत्तिब्भरनिब्भरो संतो ॥ ७६९७ ॥ भोयणकरणनिविद्रुण तेण तत्थेव मासपारणए । पडिलाहिओ मुणी सो सद्धासहिएण परमन्नं ॥ ७६९८ ॥ तप्पुन्नप्पभावा सो अमरो होउं तुमो निवो जाओ । कीरजुएण वि भमिउं भवम्मि समुवज्जियं सुकयं ॥ ७६९९ ॥ कीरो जाओ हं किरणवेगखयराहिवो सुई वि हु मे । . किरणावलि त्ति कन्ना जाया नवरं अपुत्तो हं ॥ ७७०० ॥ जा अंबएण हरिया सारसिया तीए सरतडे जणणी । बाणेण लोद्धएणं विद्धा खवगेण सच्चविया ॥ ७७०१ ॥ पंचपरमेट्ठिमंतो दिन्नो से तेण तयणु सा सग्गे । अमरत्तसिरिं भोत्तुं संजाओ तुह इमो पुत्तो ॥ ७७०२ ॥
Jain Education International
For Private & Personal Use Only
www.jainelibrary.org
