________________
५९८
पणमित्तु कुसुमसेहरराया पुच्छइ गुरुं कहह भयवं ।
I
मह पुव्वजम्मसुकयं जं जाओ हं खयरचक्की ? || ७६७७ ॥ आह पहू आयन्नसु रयणवईए पुरीए तं राय कम्मयरो आसि अईवदुग्गओ दुग्गेदेवो ति ॥ ७६७८ ॥ कइया वि नाणनिउणाभिहाणसूरीहिं भव्वपरिसाए । साहिप्पंतं निसुयं जिणिंदपूयट्ठगं तेण ॥ ७६७९ ॥ तहाहि
—
सिरिअणंतजिणचरियं
फल-कुसुम-क्ख़य- जल - धूव - दीव-नेवज्ज- वासनिम्माया । कीरइ एसा अट्ठप्पयारपूया जिनिंदाणं ॥ ७६८० ॥ सव्वाओ वि असत्तो काउं वरजाइपमुहसुमणेहिं । पूयइ जो जिणचंदे सो सामी हवइ सुमाण || ७६८१ ॥ माणुसभवे वि नूणं जिणपूया पुन्नपगरिसपभावा । अंगं पि कुसुमपरिमलमुग्गिरइ सया वि सत्ताण || ७६८२ ।। किं बहुणा ! भोत्तृणं असुर-नरामरा पहुत्तरिद्धीओ । सिद्धिं पि धुवं पावर पाणी जिणनाहपूयाए । ७६८३ || इय आयन्निय बावन्नदेवउलियाजुयम्मि पत्तो सो । कीरविहाराभिह जिणहरम्मि मणि - कणय - घडियम्मि ॥ ७६८४ ॥ जाईसरेण जं कीरपक्खिणा भणिय पुत्तजयसेणं । कारवियं नायज्जियधणेण बहुमाणसारेण ॥ ७६८५ ॥ जं चउदिसिपडिबिंबियपाडलकलियाहिं भमिरभमराहिं । नियइ व्व भावरिउणो कोवारुणनयणनियरेण || ७६८६ ॥ आभाइ निरब्भनिसिपडिबिंबियतारतारयप्पयरं । जं भत्तिनिब्भरामरविरईयसियकुसुमवरिसं व ॥ ७६८७ ॥ तम्मिं पविसिय नायज्जिएण दव्वेण गहियकुसुमाई । आणंदपुलईतणू पूयइ सो रिसहजिणनाहं ॥ ७६९८८ ।। तप्पुन्नप्पभावेणं रिद्धिं भोत्तुं बीयभवम्मि तओ ।
जाओ तं खयरवई ईय
कहियं राय ! तुह चरियं ॥ ७६८९ ॥
For Private & Personal Use Only
Jain Education International
11
www.jainelibrary.org
