________________
कुसुमसे हर कहा
परिभोगो ईयराए वि पररमणीए पयच्छए नरयं । किं पुण नियभइणीए आजम्मं पूयणिज्जाए ? || ७६६४ || ता पहु ! कन्नाए समं नियरज्जं अप्पिऊण जणयस्स । संगहिय सव्वविरहं तुह चरणाराहओ होहं ॥ ७६६५ ॥
ठायव्वं तुब्भेहिं रहनेउरचक्कवालनयरम्मि |
ईय जंपिय गुरु कुमरी कुमरजुओ सो गओ सपुरे ॥ ७६६६ ॥ दुगमवि सम्माणेउं वत्थाहरणेहिं खयरबलकलिओ ।
इह पत्तो तुम्ह सुओ सो हं इह साहियं तुम्ह || ७६६७ | ता ताय ! अहं जाओ दुप्पुत्तो तुम्ह जं मए दिन्नं । नियविरहेणं कुमरीहरणेण य दारुणं दुक्खं ॥ ७६६८ ॥ ईय जंपंतो भणिओ निवेण मा पुत्त ! खेयमुव्ह दोसो न अम्ह दोन्ह वि किं तु इमं दुकयकम्मफलं ॥ ७६६९ ॥ पुव्वभवे तवचरणं कयं मए किं तु संतरायं तं ।
।
जं तुह सरिसो पुत्तो जाओ हरिओ य मिलिओ य ॥ ७६७० ॥ जायं कन्नाहरणं कन्नाहरणं व परमकल्लाणं ।
णु ।
जस्सप्पभावओ मे सुचिरेण वि पुत्तमिलिओ तं ॥ ७६७१ ॥ ईय जंपिऊण गाढं जणएणालिंगिउं सुओ जणणीए नओ तीय वि अवरुंडिय चुंबिओ भाले । ७६७२ ॥ खेरवणा वत्तो जणओ तं गिण्ह ताय ! मह रज्जं । परिवज्जिय सावज्जं पव्वज्जं पुण अहं काहं ॥ ७६७३ | तं भणइ पिया परिणयवयस्स मज्झ वि य जुज्जए दिक्खा । काहं नाहं विरहं इहि पि तए समं जायं ॥ ७६७४ ॥ दोन्हं पि सम्मएणं कुमरिं परिणाविऊण कुमरस्स । दिन्नं तं रज्जं तो पत्ता सव्वे वि वेयड्ढे ॥ ७६७५ ॥ तत्थ वि अहिसिंचिय कुसुमसेहरं खयररायरज्जम्मि । खेयरनरनाहेहिं गहिया दिक्खा गुरुसयासे ॥ ७६७६ ॥
Jain Education International
५९७
For Private & Personal Use Only
www.jainelibrary.org
