________________
५९२
11
पउरगुणपउरनयरं ताण सुओ कुसुमसेहरो नाम । सयलकलाकलियतणू नियजुव्वणरमणिमणहरणो ॥ ७६०० भत्तस्स विणीयस्स वि नीइपरस्सा वि तस्स नरवइणा । केणा वि कारणेणं पराभवो विरईओ दूरं ॥ ७६०१ ॥ तं अवमाणं काऊण माणसे अद्धरत्तसमयम्मि | परिमियपरिवारजुओ चलिओ देसंतरे कुमरो ॥ ७६०२ || इह पत्तो विन्नाओ तुह जणएणं अणिच्छमाणो वि । गंतुं पच्चोणीए रिद्धीए पवेसिउं एत्थ ॥ ७६०३ ॥ सम्माणिऊण भणिओ मा गच्छसु वच्छ ! अच्छसु इव । जं मज्झ तुज्झ जणओ मित्तो अच्चंतगोरव्वो । ७६०४ ॥ ठाउमणिच्छंतो वि हु निवोवरोहा इहट्ठिओ स इमो । अणभिमयं पिन गरुया दक्खिन्नपरा परिहरति ॥ ७६०५ ॥ तं सोउं रायसुया चिंतइ जुत्तो इमम्मि अणुराओ । नवरं एसो रत्तो नो वा संपइ न याणामि ॥ ७६०६ ॥ कुमरेणुत्तो थाइयावहो अरे, मंतियं किमेयाए ? | तेत्तं निवकन्नासहीए तुह पुच्छियं चरियं ॥ ७६०७ । कुमरनिरक्खणलुद्धा निव्वत्तियकामपडिमपूया वि । तब्भवणपेच्छणछला महइं वेलं ठिया बाला || ७६०८ ॥ वारं वारं चलसु त्ति सो विदल्लीहिं विन्नविज्जंती । पक्खलियकमं तं पेच्छिरी गया जाणमारुहिउं ॥ ७६०९ ॥ गच्छंती कुमरेणं पलोइया सो वि तीए सच्चविओ । अणुरते जंताई धरिउं को तरइ नेत्ताइं ? ॥ ७६१० ॥ नयणपहमइक्कंताए तीए अरई कुमारमणुपत्ता ।
लहइ च्चिय अवयासं कइयावि अणिट्ठभज्जा वि ॥ ७६११ ॥
Jain Education International
सिरिअणंतजिणचरियं
For Private & Personal Use Only
www.jainelibrary.org
