________________
५९१
कुसुमसेहरकहा इय चिंतंती जाया ससज्झससेयपकंपकलियंगी । पक्खलियपया पविसइ अवियन्हं तं पलोयंती ॥ ७५८७ ॥ वरदाणपरं पि ममं मुत्तुमिमा नियइ अन्नमइनेहा । इय चिंतिय कुविएण व कामेण सरेहिं पहया सा ॥ ७५८८ ॥ मयणेण नडिज्जंती थिरसरलसिणिद्धबंधुरच्छीहिं ।। सच्चविया असरिसरुवहरियहियएण कुमरेण ॥ ७५८९ ॥ एयाए अहो रूवं मोहइ मणिमवि पसंतमोहाण । गुरुरायाइत्ताणं मह सरिसाणं तु का वत्ता ? || ७५९० ॥ सो च्चिय गुरुरायधरो सो च्चिय सरसो इमाए बालाए । सव्वंगसंगमं जो लहिही घुसिणंगरागो व्व ॥ ७५९१ ।। सो चेय चारुवन्नो पवित्तगुरुमुत्तसियगुणमहग्यो । एयाए मयच्छीए हियए हारो व्व जो वसिही ॥ ७५९२ ॥ इय चिंतंतो संतो मयणायत्तो ठिओ कुमारो वि । सूरचरिओ वि कायरनरनियरनिदरिसणं जाओ ॥ ७५९३ ॥ धवलइ कुमरं बाला नियच्छिजोन्हाए सो विरायसुयं । पच्चुवयरं ति सिग्घं गरुया रईओवयारम्मि ॥ ७५९४ ॥ तं पेच्छिरी कुमारी पत्ता पासम्मि कामपडिमाए । सविणयपणामपुव्वं पूर्व काउं समारद्धा ॥ ७५९५ ॥ परिपूयंती मयणं पुणो पुणो पेच्छिरी कुमरवयणं । दंसइ मयणस्स व तं दईयमिमं देहि मज्झ त्ति ॥ ७५९६ ॥ पूयाए जाइ मयणे तद्दिट्ठी निवसुएणुराएण । रूवंतरं व दटुं पइक्खणं कामकुमराण ॥ ७५९७ ॥ पुच्छई य मयणियं नाम नियसहिं को वयंसि ! एस जुवा ? | तीए कुमारथइयावहाऊ नाऊण कहियं से ॥ ७५९८ ॥ सहि ! सुणसु कुसुमसुंदरनयरे निययप्पयावजियतरणी । कुसुमावयंसयनिवो भज्जा कुसुमस्सिरी तस्स ॥ ७५९९ ॥
Jain Education International
For Private & Personal Use Only
www.jainelibrary.org
