________________
३३
गिहिधम्मे चंदसेणकहा सोऊण विणयपडिवत्तिपुव्वयं कुमरवयणविन्नासं । जंपइ मंती किं वच्छ ! भण्णए तुह विवेयस्स ॥ ३९३ ॥ एत्थंतरम्मि घडियाघरम्मि पहरदुगुब्भवं भेरिं । ताडिज्जतिं सोउं सहं विसज्जइ महीनाहो ॥ ३९४ ॥ तो कुमर-मंति-सामंतपमुहलोगो गओ सठाणेसु । सव्वेसि पि हु तेसिं सुहेण कालो वइक्कमइ ॥ ३९५ ॥ समयंतरम्मि कम्मऽवि निवइम्मि सहामहासणासीणे । पत्ते वियारचउराभिहमंतिप्पमुहमंतिगणे ॥ ३९६ ॥ सामंत-मंडलेसरपमुहपहाणेसु सन्निविट्ठेसु । निववामपासे उचियासणे निविढे कुमारे वि ॥ ३९७ ॥ रायाएसा दंडिप्पवेसिया नहयराण संघाडी । पविसिय सहाए पणमिय निवपयपउमे समुवविट्ठा ॥ ३९८ ॥ तम्मज्झाओ एगो निवई विन्नवइ पावियाएसो । विजयासिओ निवो इव अस्थि गिरी देव ! वेयड्ढो ॥ ३९९ ॥ रुप्पमयम्मिं जम्मि रत्तासोयुट्ठमालिपरिवेढो । आभाइ पीयपट्टओ य तत्थ परिहाणबंधो व्व ॥ ४०० ॥ तम्मि निव ! रायहाणी रहनेउरचक्कवालपुरमत्थि । खेयरहियं सुचित्तं समयत्थधरं मुणिमणं व ॥ ४०१ ॥ परमहिमालयजुत्ता वसंति गंधव्विया जणा जम्मि । सुरयणतारसुवन्नाहियहियया ईसरगण व्व ॥ ४०२ ॥ तत्थुव जइ रज्जं नहयरनाहो लसंतमणिमउडो । मणिमउडो नामेणं खेयरनिवपणय(पय)पउमो ॥ ४०३ ॥ जस्स जसप्फुरिएणं ससिजोण्हाए व पूरियं भुवणं । तम्मग्गो तरणी वि हु ससि व्व जाओ सुहालोओ ॥ ४०४ ॥ तस्संतेउरतरुणी पहुत्तसंपत्तकित्तिपब्भारा । सिरिरयणमंजरी नामिया पिया विप्पियविउत्ता ॥ ४०५ ॥
Jain Education International
For Private & Personal Use Only
www.jainelibrary.org
