________________
कुसुमसेहरकहा
सव्वाहिं वि असमत्थो एक्काए वि पूयए ज जिणं जो । ता सो वि भावसुद्धीए पावए सिद्धिसंबंधं ।। ७५६१ ।। एयाउ रायकहियाउ तुज्झ पूयाउ ईय जिणुत्तम्मि । भाइ निवो पणयपहू सीमंतयरईयकरकोसो ।। ७५६२ ॥ जइ नाह ! साहसु महं महंतकोऊहलाउलमणस्स । दिट्ठते अट्ठाण वि पूयाणिहि कयपसाया || ७५६३ || जंपइ जिणेसरो सुणसु राय ! कयअप्पमत्तमणवित्ती । संपइ साहिज्जंते दिट्ठते अट्ठ पूयासु ॥ ७५६४ ॥ इह दुग्गदेव दुग्गयपडाय वानरय चंदतेयक्खा । साहससार अकिंचन रणसूर धणावहा पुरिसा ॥ ७५६५ ॥ होउं कमेण एक्केक्कपूयकरणेण गरुयरायाणो । सिरिकुसम सेहराक्खयकित्तिफलसारजलसारा ॥ ७५६६ ॥ सिरिधूवसुंदरी तह भुवणपईवो पईवसिहवत्तो । भुवणप्पमोयगो गंधबुंधरो सिवपुरिं पत्ता ।। ७५६७ ।। (कुलयं) कुसुमेहिं जेण पूईयजिणेसरं पाविया महारिद्धी । तं कुसुमसेहरकहं कहिज्जमाणं निसामेह ॥ ७५६८ ॥ पुरमत्थि प्फुरियमहापहाविरायंतरयणपायारं । रयणप्पायारं नाम गुरुविमाणं सुरपुरं व ॥ ७५६९ ॥ रयणीसु जत्थ ससिरयणचंदसालागलंतसलिलेण । भवणाइं नीरयाइं भवंति मुणिमाणसाई व ॥ ७५७० ॥ तत्थत्थि हत्थि-हय-रह - जोहोहपसाहियाहियसमूहो । विलसिररयणाभरणो रयणाभरणो त्ति नरनाहो ।। ७५७१ ॥
आयड्ढियासिपडिप्फलियतरणिकिरणावलीकलियकाओ । पयडपयावप्पसरो व्व जो रणे रीण - दुनिरिक्खो ।। ७५७२ ॥ सव्वंते डरतरुणीपहुत्तपयवीपइट्ठिया जाया । तस्सत्थि हत्थिमंथरगईगमणारयणमाल त्ति ॥ ७५७३ ॥
Jain Education International
For Private & Personal Use Only
५८९
www.jainelibrary.org
