________________
सामिसमवसरणवण्णणं
महईए वि पुहईए नाहं नाहं उवेमि उवमाए । नीयाणवि साहेट्ठा निवससि तमुवरि गुरूण वि जं ॥ ७५३६ ॥ इय निरुमाणगुणपत्ततुह अणंतप्पसायओ होहं । मन्नेमि चंदवरिअच्चुयट्ठाणम्मि सिवसुहस्सति ॥ ७५३७ || इय थोऊण जिणिदं भत्तिवसुपुन्नपुलयकलियतणू । पणयमुणी नरनाहो निविसइ इंदासणसमीवे ॥ ७५३८ ॥ एत्यंतरे भगवया नवनीरयगज्जिविजइसद्देण । सद्देसणाजणेणं पडिबोहत्थं समारा || ७५३९ ।। तीए चारुमहव्वयसारो संसारसायरुत्तारो । दसभेयसमणधम्मो रम्मो पयडीकओ पहुणो ॥ ७५४० ॥ जम्मिमणुव्वयपणगं सिक्खावयसत्तगं च से धम्मो । कहिओ सुसावयाण वि बारसहा कमविइन्नसिवो ॥ ७५४१ ॥ सिरिवीयरायदेवो देवो सुगुरु वि जत्थ निग्गंथो । तत्तं जिणणाहोत्तं तं सम्मत्तं समक्खायं ।। ७५४२ ॥
सम्मत्तविसुद्धसुसाहुसावयाणं दुगं पि धम्माणं ।
अमियाण कीरतं चिय वियरइ सिद्धिस्सिरी संगं ॥ ७५४३ ॥ इय विमलनाणजिणनाहअनंतसद्देसणं सुणेऊण ।
।
राया कयंबपरिमलनामो पणमिय पहुं पभणइ ।। ७५४४ ॥ पहु ! बहुसत्तसहेज्जा पव्वज्जा नेव तीरए काउं तह नेव देव सव्वाविय अविरई वि अम्हेहिं ॥ ७५४५ ॥ ता देव ! देह सम्मत्तमुत्तमं ईसिदेसविरइं पि । बहुबीय महाविगई अनंतकायाइचायपरं ॥ ७५४६ ॥ सम्मत्तनिच्चत्तं किरियाए जीए होइ तं कहह ।
जह निच्चं पि हु पहु ! सिद्धिसाहयं तं करेमि अहं ॥ ७५४७ तो आह तिजयनाहो नरिंद ! निसुणेसु तस्स निच्चलया । जायइ जिणपूयाए भत्तीए तिसंझविहियाए । ७५४८ ॥
Jain Education International
For Private & Personal Use Only
५८७
||
www.jainelibrary.org
