________________
५८६
तो वंतरेहिं विहिए पहुपडिरूवत्तिगम्मि रमणीए । उवविट्ठे य दुवालसभेयविभिन्ने सहालोगो ।। ७५२३ ॥ पहुपयपणामपुव्वं मणि-कंचणसाल अंतरालम्मि । उज्झियसासयवेरे तिरियगणे लीयमाणम्मि ।। ७५२४ ॥ पत्तो कयंबयाभिहगिरिनिवडाओ कयंबपुरनयरा । राया कयंबपरिमलनामो जाणिय जिणागमणो ॥ ७५२५ ॥ करि-तुरय- रहवरारूढराया सामंतमंति-मंडलिओ । वज्जिजय आउज्जो आरूढो विमलगिरिसिहरे ।। ७५२६ ॥ अवलोयंतो भूमंडलम्मि इंताई रायचक्काई । पेच्छंतो य नहयले कणंतकिंकिणिविमाणाइं ।। ७५२७ ॥ वावी - जलस्सिणाओ निम्मलनवधोय-पोत्तिपावरणे ।
पविसंतो पहुमिक्खय जंपर "जिण " जय जय जयति ॥ ७५२८ ॥ सामि समीवे गंतुं विरइय ति पयाहिणो पणमिऊण । कयपाणिकमलकोसो एवं थोउं समाढत्तो ।। ७५२९ ।। जय निम्मलनाणाणंत तुह अणंतत्थयं करिस्सामि । जिणराय ! निययनालग्गलग्गकरकमलकयकोसो || ७५३० ॥
सिरिअणंतजिणचरियं
तिहुअणपहुणो न पुरंदरो वि उवमाणठाणमणुसरइ । जम्मि दिणाओ वि जो तुज्झ किंकरत्तं समणुपत्तो ॥ ७५३१ ॥
पर- नियखित्तुज्जोएण भाणुणा कह करेमि उवमंते । पसरइ नाणालोओ लोयालोएसु जं तुज्झ ॥ ७५३२ ॥
कलइ कलाए वि तुलं कलावई न तुह जं तमेणं सो । सामि ! गमिज्जइ तं पुण लीलाए वि पहणियं तुमए ॥ ७५३३ ॥
का उवमा जगगुरुणो तुह सुरगिरिणा वि जं तए नीओ । जम्मसिणाणे सोआसणत्तमच्चंतगुरूओ वि ।। ७५३४ ॥ पहु ! तुह कह उवमिज्जइ निस्सीमजडासओ समुद्दो वि । तिजयुब्भववत्थवियाणणखमाणंतनाणस्स ॥ ७५३५ ॥
Jain Education International
For Private & Personal Use Only
www.jainelibrary.org
