________________
५८५
सामिसमवसरणवण्णणं गिम्हे कुसुमियबंधूयवणलयारयभरारुणत्थाओ । बालायवकलिओ विव विभाइ जो घुसिणरसओ व्व ॥ ७५१० ॥ अच्चंतसामलो नीयपत्तनवमेहमिलणदुल्लक्खो । अप्पं तिरोहयंतोण्हवणुज्जए पाउसम्मिं जो ॥ ७५११ ॥ सुरयम्मि सुन्भअब्भयमालावलईयनियंबदेसो जो । सोहइ विलसिरजद्दरअंबरपरिहाणसहिओ व्व ॥ ७५१२ ॥ वेढिज्जंतो उच्छलियधूमरीमंडलेण हेमंतो । जो सहइ सामलसिलासहस्स पसरंतकंति व्व ॥ ७५१३ ॥ वायाहयवंसीघंसजायआसन्नवणदवज्जलणो । सिसिरे रेहइ जो सीयनासणुज्जालियग्गि व्व ॥ ७५१४ ॥ इय सव्वरिउसमाजोयजायअनन्नरूवसंपाओ । जो तह वि अक्खंडियसव्वरूवसोहं समुव्वहइ ॥ ७५१५ ॥ जा पुंडरीयगणहरनिव्वाणपयाणविहियपत्थाणो । विमलगिरिम्मिं तम्मिं सत्तुंजयअवरनामम्मि ॥ ७५१६ ॥ तिहुयणजणियाणंदो ईदुत्तपहावलोयपरसद्दो । लीलाए समारूढो भुवणगुरुतिजयजणजुत्तो ।। ७५१७ ॥ तो तेरसतित्थेसरपुव्वकयसमवसरणधरणीए । वाउकुमारेहिं पमज्जियाए मंडलियवाएहिं ॥ ७५१८ ॥ रईऊण नहुच्छंगम्मि अब्भवद्दलमइरमइरम्मं । मेहकुमारेहिं सुगंधवारिवरिसेण सित्ताए ॥ ७५१९ ॥ रिउसुरकुमारकयजाणुमाणकुसुमोवहारकलियाए । रईयं पायारतियं सुरेहिं मणि-कणय-रुप्पमयं || ७५२० ॥ मणिपीटिंठ दब्भयधम्मचक्कपुक्खरिणितोरणाईयं । निययाहिगाररूवं कुणंति अमरा चउविहा वि ॥ ७५२१ ॥ रणझणिरकिंकिणीगणचिंधालं बद्धयालिकलियम्मि ।। पविसिय पुव्वदुवारेण समवसरणे ठिओ सामी ॥ ७५२२ ॥
Jain Education International
For Private & Personal Use Only
www.jainelibrary.org
