________________
सिंगारमउडकहा
तो के वि खयरपहुणो संविग्गमणा कुमारजणणी वि । मंती वि सव्वविरहं गिण्हंति इमाई सव्वाई || ७४५९ ॥ अवरेहिं वि कुमाराईहिं राय - सामंत - मंडलीएहिं । सम्मत्तालंकरिउं सावयधम्मो परिग्गहिओ ॥ ७४६० || अमरेहिं उभयसेणी रज्जपहुत्तम्मि जणयरज्जे य । जुवराओ अहिसित्तो महरिह - रिद्धिप्पबंधेण ॥ ७४६१ ॥ गंतुं नयरुज्जाणे दिवसाई कइ वि केवलीरहिओ । पुत्ताए नरिंदाणं देतो तत्तपरमत्थं ॥ ७४६२ ॥ तत्तो य उभयसेणी पुरेसु काउं विहारमणवज्जं । पडिबोहिउं नरिंदाइयाण दाऊण दिक्खाओ || ७४६३ || आरुहियसिद्धकूडं मासियसंलेहणाए पज्जंते ।
खविय भवोवग्गाहयकम्मचउक्को सिवं पत्तो ॥ ७४६४ ॥ सिंगारमउडरन्नो जह जाया भावणा सिवेक्कफला ।
तह जायइ अवरस्स वि ता भव्वा तीए उज्जमह || ७४६५ ॥ दाणं उत्तमपत्तदिन्नमविनो सग्गापवग्गावहं ।
सीलं सव्वकलंकहीणमविनो संसारनिन्नासणं ॥ ७४६६ ||
नो तिव्वो वि तवो विणासइ महादुट्ठं पि कम्मट्ठगं ।
भावेणं जइ वज्जियं कुणह ता सव्वत्थसब्भावणं ॥ ७४६७ ॥
भावणा भीमसंसारनिन्नासणी भावणादृट्ठकम्मट्ठउत्तासणी ।
भावणा चक्किसक्कत्तलच्छीकरा भावणा चेव सिद्धिस्सिरी कारणं ॥ ७४६८ ॥
ता भोगणेहरज्जे दाण - सीलतवभावणासु दिट्ठता ।
पुट्ठा तुमए उवरोविते मए साहिया तुज्झ ॥ ७४६९ ॥
इय सोऊणं सद्धम्मदेसणं भुवणगुरुअणंतस्स ।
भवभयउव्विग्गमणा जाया सव्वा वि भव्वसहा ।। ७४७० 11
एत्थंतरम्मि उग्घाडपोरिसी समयसाहओ तत्थ । चंददलनिम्मिओ इव तिछडिय - सियकमल - सालिमओ ।। ७४७१ ॥
Jain Education International
५८१
For Private & Personal Use Only
www.jainelibrary.org
