________________
५८०
सिरिअणंतजिणचरियं
गंधोदयवरिसासित्तमहियले विकिरिया कुसुमवुट्ठी । अमरेहिं वाइयाओ गहीरसरदुंदुहीओ य ॥ ७४४६ ॥ तो अमरासुरनहयरनरेसरा पणयणंतपाणिकमा । उवविट्ठा पहुमुहकमलपत्तनियनेत्तभमरउला ॥ ७४४७ ॥ जणयवयग्गहणुव्वेयजायघोरंसुदंतुरियनयणो । सिंगारतिलयकुमरो पणमइ केवलिकमंबुरुहं ॥ ७४४८ ॥ रत्तुप्पलदलसच्छहमरुयणायंबायसरलनयणेहिं । केवलिमवलोयंतो उवविट्ठो नहयरोह पुरो ॥ ७४४९ ।। केवलिणा पारद्धा अपारभवजलहितारणेक्कतरी । सद्धम्मदेसणासमयसमुचिया मुहुरवयणेहिं ॥ ७४५० ॥ पच्चक्खं चिय परिपेच्छिरा वि भवसंभवत्थवित्थारं । अच्चंतमणिच्चमहो मइबंधुर-मंति-मरणेण ॥ ७४५१ ॥ जं न कुणह अप्पहियं काऊणं अप्पकालियं कठें । तिव्वतवच्चरणब्भवं तुब्भे तं सव्वहा मूढा ॥ ७४५२ ॥ जीवाण विसयवंछा वद्धइ कच्छु व्व कुंडुईज्जंती । “पीयजलाण विहाहव्वरियाणवेसरइ किं तन्ह ? || ७४५३ ॥ 'जणओ जणणी-भइणी-भज्जा-सुहिणो य बंधवा पुत्ता । सव्वे वि सकज्जपरा परकज्जत्थी न को वि धुवं ॥ ७४५४ ॥ ताव इमे अणुकूला पूरिज्जइ जा मणोमयं निच्चं ।। तम्मि अपूरिज्जते हवंति पच्चत्थिणो ते वि ॥ ७४५५ ॥ ता भव्वा भव्ववासे परमत्थहिउं समत्थि नेवन्नो । मुत्तं सासयसोक्खस्स दायगं धम्ममेवेक्कं ॥ ७४५६ ॥ सो जइ गिहिभेएहिं दसबारसभेय-भावओ दुविहो । सम्मत्तपुव्वओ भावविरईओ देइ सिवसोक्खं ॥ ७४५७ ॥ ता कुणह जमभिरुईयं तुम्हाण हियं पयासियं एयं । ईय जंपिऊण खेयररायमुणी मोणमल्लीणो ॥ ७४५८ ॥
Jain Education International
For Private & Personal Use Only
www.jainelibrary.org
