________________
५७९
सिंगारमउडकहा तच्चिय पुन्नेक्कपयं पसंसणिज्जा य सयलभुवणाणं । जे उव्वहंति सीमेण पमुईया परमगुरु आणं ।। ७४३३ ॥ इय बारसविहभावणभावियचित्ता सया वि उवसंता । मन्नेमि चंदपहुनिम्मलम्मि सत्ता सिवे पत्ता ॥ ७४३४ ॥ अम्हे उ महारंभा अच्चंतमहापरिग्गहधरा य । चउरंगचमूचंकमणहणियबहुपाणसंघाया ॥ ७४३५ ॥ इंदियवसया विसयाभिसंगिणो मोहमूढमणपसरा । मुहपेच्छयं पि मन्नइ अनियं ता सासयंग व्व ॥ ७४३६ ॥ विसरारुसरीरकए काउं पावाई भूरितरयाई । वि सहिस्सामो नूणं अणेगसो नरयवियणाओ ॥ ७४३७ ॥ (जुयल) ते च्चिय धन्ना आबालकालपरिकलियचारुचारित्ता । जे सिद्धिपुरंधीए निबद्धराया तवंति तवं ॥ ७४३८ ॥ इय नव नव संवेगावेगसज्झिज्जमाणकम्मस्स । अज्झवसायविसुद्धिं खणे खणे आरुहंतस्स ॥ ७४३९ ॥ विहियर वगस्सेढिस्स दव्वओ से गिहत्थरूवस्स । भावेण गुण अहाक्खायचरणपरिणामजुत्तस्स || ७४४० ॥ जायं केवलनाणं लोयालोयप्पयासयंतस्स । खेयरवइणा झाणग्गिदड्ढदुक्कम्मचउगस्स ॥ ७४४१ ॥ तो पंचहिं मुट्ठिहिं केसुप्पाडो कओ सिरे तेण । .. किं किं एवं सामि त्ति जंपिराणं निवाईण ॥ ७४४२ ॥ तो सासणदेवीए मुणिवेसो अप्पिओ खयररिसिणो । सुरनिम्मियम्मि कंचणमयम्मि कमले निविट्ठो सो ॥ ७४४३ ॥ कहइ य रायाईणं मइबंधुरमंतिपुत्तमरणेण । मह वेरग्गोवगयस्स केवलं नाणमुप्पन्नं ॥ ७४४४ ॥ इय जंपिरस्स खेयरनरिंदरिसिणोह चउव्विहा देवा । पत्ता कंचणकिंकिणिझणहणिरवरविमाणेहिं ॥ ७४४५ ॥
Jain Education International
For Private & Personal Use Only
www.jainelibrary.org
