________________
५६८
एएण मज्झ तणओ हरिओ अहमवि हरामि एय सुयं । “ अवयारयम्मि कज्जे अवयारो सत्तिमंतेहिं" ।। ७२९१ ।। एवं विभाविऊणं अहिट्ठिओ वंतरेण कुमरकरी । कुमरकलिओ वि तोसो नीओ विंझाडई मज्झे ॥ ७२९२ ॥ मुत्तं तत्थ गयं सो सट्ठाणे वंतरो समणुपत्तो । किं कज्जमए तेणं सकज्जसिद्धीए जायाए || ७२९३ || जे जोव्वणसयमत्ता असरिसअविवेयगुरुगहायत्ता । नियरिद्धिगरुयगव्वा पहुत्तअहिमाणमूढमणा ॥ ७२९४ ॥ हासेण वि तं कम्मं अज्जिति नरिंद ! पाणिणो जस्स । रोयंता वि न अंतं पावंति विवागमणुभविरा ।। ७२९५ ।। (जुयलं )
सिरिअणंतजिणचरियं
जं पुण तिव्वरसुक्करिसभावउ अज्जिज्जए असुहकम्मं । तस्स विवागो जायइ सत्ताणमणंतभवहेऊ ।। ७२९६ ॥
तुम धणेसरसुओ जं हरिओ निवमुहुत्तबारसगं । तं तुह पुत्तविओगो जाओ चउवीसवरिसाई ।। ७२९७ ।। ता परपीडाजणगं कज्जं कज्जं नरिंद ! न कयाइं । अह कह वि कयं ता तं आलोइज्जइ गुरुसयासे ॥ ७२९८ एवं केवलिकहियं सोउं नियपुव्व-भवदुगं राया ! | देवीए संगओ विहु जाइस्सरणेण दट्ठूण ॥ ७२९९ ॥ पणमिय सपिओ वि हु केवलिक्कमे कहइ भयवमम्हेहिं । जाइस्सराण न जहा कहियं तुब्भेहिं तह दिट्ठ || ७३०० ॥
ता पहु ! कल्लाणकरा तुब्भे च्चिय नूण मह संजाया । जेहिं सुओ मेलविओ कहिओ धम्मो वि सिवफलओ ॥ ७३०१ ॥
ता भयवं ! रज्जं खयरसामिणो नियसुयस्स दाऊण ।
तुम्ह पयपउमसेवं भमर व्व वयं करिस्सामो || ७३०२ |
मा होज्जह घरवासव्वासंगपरत्ति जंपिए गुरुणा । इच्छंति भणिय पुणरवि पुच्छर केवलिमिमं राया ॥ ७३०३ ॥
Jain Education International
For Private & Personal Use Only
www.jainelibrary.org
