________________
सिंगारमउडकहा
५६५
निय जीवियं पि दाउं एगे जणयंति दुक्खियाण सुहं । अवरे उ निद्दयहमिव दिति सुहियाण वि दुहयाई ॥ ७२५२ ॥ मिच्चाण वि जमकज्जं कज्जमणज्जेण मायरेउं तं । हा हा कहं दुरूत्तरनरए निहिओ मए अप्पा ॥ ७२५३ ॥ नंदंतु उत्तमा ते जे आजम्मं पि हुँति जसपत्तं । मह सरिसाणं तु अकित्तिकलुसियाणं वरमजणणी ॥ ७२५४ ॥ दुल्लहपत्तनरत्ता एगे अज्जिति सुरसिवसुहाई ।। अवरे उ महापावा अहं व नरयुब्मवदुहाई ॥ ७२५५ ॥ धन्ना हु बालमुणिणो जावज्जीवं पि पावविरया जे । जे उ निरत्थयपावेक्कमंदिरं ताण पढमो हं ॥ ७२५६ ॥ नूणमहं अकुलीणो तेण मए एरिसं कयमकज्जं । न कुलीणाण वि किरियाउ हुंति जेणेरिसं भणियं ॥ ७२५७ ॥ *न हि य कुलीणाण सिरे सिंगं चिन्हं च होइ भालयले । किं तु मुणिज्जइ पायं वटुंतो सो वि किरियासु ॥ ७२५८ ॥ इय कयनियदुव्विलसियसंभरणाहियमहाणुभावेण ।। रन्ना तव्वेलं चिय पुत्तो अप्पाविओ तस्स ॥ ७२५९ ॥ तो सो दठूण सुयं जाओ सुहिओ सुहाभिसित्तो व्व । पत्तमहाणंदो इव पाविय अक्खयनिहाणो व्व ॥ ७२६० ॥ निव्वत्तियं निवइणा तप्पुत्तवहारपच्चयं कम्मं ।।
अइदुक्खवेयणिज्ज सपिएण वि कोउयवसेण ॥ ७२६१ ॥ विद्दविय चोरचरडं उवसामिय सपरपक्खसंतावं । निन्नासियरिउचक्कं रज्जं परिपालए राया ॥ ७२६२ ॥ कईया वि करिणतुरंगरहवरारूढमंतिमंडलिओ । भडचडयरपरियरिओ विणिग्गओ रायवाडीए ॥ ७२६३ ॥ करिणो कोलावेउं वाहेडं तुंगउत्तमतुरंगे । समअवणयणनिमित्तं अलिकलियुज्जाणमाविसइ ॥ ७२६४ ॥
Jain Education International
For Private & Personal Use Only
www.jainelibrary.org
