________________
५५९
सिंगारमउडकहा तस्संतो विज्जाहरनरेसरारद्धमुद्धपयसेवं । पेच्छइ सुरेसरं पिव खयरवई अमरपरियायं ॥ ७१७५ ॥ दलं नहयरनिवई उत्तिन्नो निवसुओ विमाणाओ । पडिहारभुयालग्गो संपत्तो रायपायंतं ॥ ७१७६ ॥ पणओ महिमंडलमिलियभालवढे नरिंदपयपउमे । रन्ना वि समुक्खिविऊण गाढमालिंगिओ कुमरो ॥ ७१७७ ॥ परिपुच्छियाओ खयराहिरायकुमरेहिं कुसलवत्ताओ । रईयामरसिंगारं तं दट्टुं विम्हिया खयरा ॥ ७१७८ ॥ तो गणयगणियसव्वग्गहबलकलियम्मि लग्गसमयम्मि । कुमरकुमरीण पाणिग्गहणं कारावियं रन्ना ॥ ७१७९ ॥ वित्ते विवाहमहूसवम्मि सिंगारगारवमए व्व । तरुणियणनट्टनिव्वित्तिए व्व अणुरायरइए व्व ॥ ७१८० ॥ तयणु पसत्थतिहीए वारम्मि वारसुहम्मि नक्खत्ते । उभयस्सेणी रज्जे रन्ना रईओभिसेओ सो ॥ ७१८१ ॥ नरनाहमंडलेसर-सामंता मंतिणो य ईय भणिया । तुब्भेहिं नवनरिंदो अहमिव आराहणिज्जो त्ति ॥ ७१८२ ॥ ते बिंति देव ! अम्हं तुम्हाएसो सया वि हु पमाणं । किं पुण सद्धम्मसमुज्जयाण सिवबद्धबुद्धीण ॥ ७१८३ ॥ गोरी-पन्नत्ती-गयणगामीणी-नयणमोहणी-जाला । बहुरूविणिपमुहाओ रन्ना विज्जाओ सिक्खविओ ॥ ७१८४ ॥ तो खयरिंदो मणिकणय-घडिय-सिबियासणे समारूढो । रमणीयरमणिकरचलिरचमरवीइज्जमाणतणू ॥ ७१८५ ॥ असरिसरिद्धीए असोयसोहियाभिहमहंतमुज्जाणं । पत्तो पेच्छइ सूरि गुणरयणमहोयही नामं ॥ ७१८६ ॥ पणमिय तस्स सयासे कइवयमंडलीयकलिएण । पडिवन्नं सामंती सामन्नं पि नरवइणा ॥ ७१८७ ॥
Jain Education International
For Private & Personal Use Only
www.jainelibrary.org
