________________
५५६
सिरिअणंतजिणचरियं
जायम्मि तिजामाए जामजुगे जाव जग्गिओ देवी । चलिया सरीरचिंता कज्जे धाराहरदुवारे ॥ ७१३६ ॥ तो धाराहरजलसेयसिसिरसोवाणभूमिसुत्तस्स । तीए विदिन्नो पाओ उवरिं गुरुदप्पसप्पस्स ॥ ७१३७ ॥ तो तेण कामदड्ढा दड्ढा दड्ढाहिण त्ति जंपंती । निच्चेट्ठा होऊणं दड त्ति पडिया महीवढे ॥ ७१३८ ॥ निठुरमणि-कुट्टिमतलपडणपहारुत्थपीडभीय व्व ।। निवपट्टमहादेवीए झत्ति पाणा वइक्कंता || ७१३९ ॥ दट्ठा दड त्ति सरं सोउं निवसो विदल्लपडिहारो । दासंगरक्खया वि य वेगेण तयं समल्लीणो || ७१४० ॥ तं दटुं निच्चेठें दड त्ति मुच्छाए निवडिओ राया । विरहं सहिउमसत्तो कंताए कयाणुगमणो व्व ॥ ७१४१ ॥ तयणुससंभमचेडीचक्काहियसिसिरकिरियकरणाहिं । भूवइणा संपत्तं चेयन्नं नेव देवीए ॥ ७१४२ ॥ मणि-मंत-जंत-तंतोसहीहि विहिया पभूय उवयारा । दुज्जणउवयारा इव सव्वे वि हु विहलयं पत्ता ॥ ७१४३ ॥ संतम्मि जीवियव्वे उवयारो होइ नो असंतम्मि । कहमन्नहा निवइणो चलिया मुच्छा न देवीए ॥ ७१४४ ॥ नाऊण तीए परभवपवासमुम्मुक्कपेक्कपुक्करवं । कारुन्नं जणयंतो रुयइ रुयाविय जणो राया ॥ ७१४५ ॥ हा देवि ! वियासिसिरी सकुसुममालाइरित्तमिउदेहे । महिनिविडणप्पहारो कह सहिओ सुयणख ! मह. कहसु ॥ ७१४६ ॥ हा छणससिसरिसाण णिहा-पट्ट-पउत्तमाणणि मयच्छि ! । दच्छीहं कत्थ तुमं सविलासुल्लासरमणीयं ॥ ७१४७ ॥ निक्कित्तिमो सिणेहो मयंकमुहि ! नत्थि नूण कस्सा वि । जं मह पाणा चलिया तं अब्भडवंचिउं व पिए ॥ ७१४८ ॥
Jain Education International
For Private & Personal Use Only
www.jainelibrary.org
