________________
५५५
सिंगारमउडकहा इय रज्जकज्जकरणुज्जुयम्मि कइया वि खयरनरनाहे । संतावयरो गिम्हो जलणो व्व वियंभिओ भुवणे ॥ ७१२३ ॥ अग्गिज्जालाजोओ व्व जम्मि जावड्ढरत्तमइदुसहो । लूयावाओ दूरं देहे निद्दहइ देहीणं ॥ ७१२४ ॥ दाहज्जरभिभूओच्छगेहअब्भंतरट्ठिओ लोओ । अच्चंतउन्हजलं पियइ पइखणमवि स-तन्हो ॥ ७१२५ ॥ जत्थानिलउच्छालियरयच्छला भमइ सव्वओ वि मही । रवितावमसहमाणा सिसिरच्छायं नियंति व्व ॥ ७१२६ ।। गुरुतावभरक्कंत व्व जंति रविरहतुरंगमामंदं । नूणं हवंति गिम्हमिं तेण अइदीहरा दियहा ॥ ७१२७ ॥ गिम्हेण दुज्जणेण व जम्मि संताविओ जणो नूणं । निव्वाविज्जइ जइ परे सुयणेण व चंदणरसेण ॥ ७१२८ ॥ एवंविहम्मि गिम्हे उम्हाभिहओ निवो सह पियाए । परिवारजुओ पत्तो रम्मारामम्मि उज्जाणे ॥ ७१२९ ॥ जं चउपासवहता रहट्टघडिपडिरजलकणवहेहिं । वाएहिं कयुकंपं नज्जइ दुग्गं व सिसिरस्स ॥ ७१३० ॥ तस्संतो मुत्ताहलहारुज्जलजलपडंतधारोहं । धाराहरं विरायइ वासारत्तस्स बीयं व ॥ ७१३१ ॥ मणिसालहिंजियाओ जम्मिं नह-नयण-वयण-सिहिणेहिं । मुंचती च जलभरं सहति जलदेवयाओ व्व ॥ ७१३२ ॥ तम्मज्झे उवरिट्ठियसहस्सदलपज्झरंतधारोहे । फलिहसिलायामयपंजरि व्व पत्तो निवो सपिओ ॥ ७१३३ ॥ तम्मज्झे मुत्तावलिवज्जाली जुयपिसंडिदंडम्मि । दोलापल्लंके मिउतूलीकलिए समुवविट्ठो ॥ ७१३४ ॥ अनिलुक्कलिया चालिय जललवसंपक्कसंतगिम्हुम्हो । कंताए समं माणइ तत्थ वि निद्दासुहं राया ॥ ७१३५ ॥
Jain Education International
For Private & Personal Use Only
www.jainelibrary.org
