________________
५५४
सिरिअणंतजिणचरियं जय जय जय त्ति परिजंपिरेहिं नियसन्निएहिं जयतूरं । वद्धावणयच्छंदेण वाईयं दिट्ठहियएहिं ॥ ७११० ॥ तो सत्तुरायतणया नरिंदमंडलियमंति-सामंता । कंठट्ठवियकुढारा अल्लीणा अम्ह नरनाहं ॥ ७१११ ॥ अप्पायत्तं काउं तक्कडयसिरिं करेणु-हरिपमुहं । सिरिंगयणवल्लहपुरे पत्तो विहिऊसवे सबलो ॥ ७११२ ॥ उवविट्ठो दिसिपसरियमाणिक्कमऊहमणहरसहाए । पणओ तन्नयरमहायणीयविदेण विणएण ॥ ७११३ ॥ कोसा कोट्ठायारा करिणो हरिणो रहा य देसा य । तन्नोन्नन्निउइएहिं उवणीया तस्स सव्वे वि ॥ ७११४ ॥ सट्ठाण वि देसवईणं रायलच्छि समग्गमवि गहिउं । परियत्तिऊण दिन्ना तेसिं देसा समग्गेण ॥ ७११५ ॥ सम्माणिया य सव्वे वि तेण ते तह महायणीया वि । विलसंतरयणभूसणसव्वुत्तमवत्थदाणेण ॥ ७११६ ॥ जस्सोभयसेणिपहुत्तपत्तसियकित्तिनिब्भरं भुवणं । आभाइजुगक्खयखुहियखीरसिंधुदयभरियं व ॥ ७११७ ॥ सो रज्जरंजियाओ एयाओ निच्चं पि पमुईयमणाओ । आसीवाए वियरंति राइणो जणहियपरस्स ॥ ७११८ ॥ इय तत्थ रज्जरिद्धिं कईवयदिवसाणि माणिउं राया । तद्देसरक्खणक्खमसामंते मुत्तमुग्गबले ॥ ७११९ ॥ तो तस्सेणीसामंत-मंति-मंडलिय-मंडलावरिओ । चलिओ विमाणविंदच्छाइयगयणंगणाभोगो ॥ ७१२० ॥ विरईयचंदणमाले निव्वत्तियहट्टसोहसिंगारे ।। राया पुरे पविट्ठो नियम्मि अइवाहए कालं ॥ ७१२१ ॥ उभयस्सेणिपहुत्तं पालइ पोढप्पयावजियसत्तू । पूएइ पूयणिज्जे सम्माणियं सयणसुहिविंदं ॥ ७१२२ ॥
Jain Education International
For Private & Personal Use Only
www.jainelibrary.org
