________________
रयणसुंदरकहा
५५३
खग्गाहयनरकरिहरिपवत्तकीलालपसरियपवाहे । असिदारियगयकुंभयडगलियमुत्तोहवुग्घुयए ॥ ७०९७ ॥ अनिलुक्कलिया तरलियसिक्किरिसिहिं निव्वविहियनदृमि । कमलावली सुदूरं विद्धसं गच्छमाणेसु ॥ ७०९८ ॥ अद्धिंदुनिवाडिय-धवलछत्तवियसियसिलिं व संदोहे । अवहरियसूरराए पसरिय घणमंडलग्गेहिं ॥ ७०९९ ॥ भडसीहनायहक्काहुंकारब्भूयदद्दुरारावे । अन्नोन्नलग्गनिवमणिभूसणकररईयहरिचावे || ७१०० ॥ दिसि-दिसिरोदरसप्पसरमाणअपमाणवाहिणीविंदे । एवं रूवम्मि समरपाउसे उल्लसंतम्मि ॥ ७१०१ ॥ गुडियगयरायचडिया सच्छत्ताचलिरचारुचमरचया । गिज्जंता तरुणविलासिणीहिं बंदीहिं थुव्वंता ॥ ७१०२ ॥ परितुलयंता अनन्नपहरणव्वूहसमसमच्छरिणो । खयरवइरयणकुंडलहारप्पहराइणो भिडिया ॥ ७१०३ ॥ परिमिलियदंतिदंता हक्काहुंकारमुहरियदियंता । हण हण हण त्ति भणिरा मुचंति सरोसणिं दो वि ॥ ७१०४ ॥ नियलद्धलक्खयाए खलिउं हारप्पहस्स सरविसरं ।। सिरिरयणकुंडलेणं मुक्को मुग्गरपहारो से || ७१०५ ॥ तेणावि भिंदमालाए भंजिउं मोग्गरंतरो रोसा ।। भणियं रे ! रे ! तं पि हु एवं हणिउं निवाडिस्सं ॥ ७१०६ ॥ तो रयणकुंडलेणं निवेण करणेण पयप्पहारेण । तुह मुहदोसो त्ति पयंपिरेण सपाडिया दंता ॥ ७१०७ ॥ बलिरो वेगेण कमेसु धरियहारप्पहेण नरवइणा ।। खित्तो नहे पडतेण तेण असिणा रिऊ हणिओ ॥ ७१०८ ॥
अहिए हए कुऊहलउक्कलियाकलियमिलियअमरेहिं । निवरयणकुंडलसिरे पमुक्का कुसुमभरवुट्ठि ॥ ७१०९ ॥
Jain Education International
For Private & Personal Use Only
www.jainelibrary.org
