________________
गिहिधम्मे चंदसेणकहा
तह पडिहारमुहेणं वद्धावणयं पुरे समाइसइ । पारद्धं च तयं पइगिहं पि लोएण पहिट्ठेण ॥ ३४२ ॥
घुसिणरसारुणियघरंगणेसु रंगावलीउ रइयाओ । विहिया य हट्टसोहा पुरम्मि तह संचिया मंचा || ३४३ ॥ दाडं उवायणाइं निवई वद्धावयंति निवपउरा । गिण्हंति य निवदिन्नं गय - तुरयाऽऽभरण - वत्थाई ॥ ३४४ ॥ गिज्जंति रायचरियाई वज्जिराउज्जमंजुलारावे । नच्चंति य नट्टवसत्थरहरियथणीओ तरुणीओ ॥ ३४५ ।। इय कयवद्धावणओ सुहतिहि - नक्खत्तवासरे राया । पुत्तस्स देइ नामं सिविणसमं चंदसेणो ति ॥ ३४६ पालिज्जतो पंचहि धाईहिं पवद्धिओ वरिसपणगं । पाढत्थं निम्मलकलनामुज्झायस्स उवणीओ ॥ ३४७ ॥ सहपाढयुज्जमेणं कुसंगचागेण वरमईए य । थोवदिणेहिं वि कुमरो पत्तो पारे कलोयहिणो ॥ ३४८ ॥ नाउं कलासु कुसलं जायं जायं पहिट्ठभूवइणा । अज्झावओ कयत्थो कओ धणाऽऽभरणवत्थेहिं ॥ ३४९ ॥ फलरिद्धीए अंबयतरु व्व सुतवस्सिरीए साहु व्व । समलंकिओ कुमारो सव्वत्तमजोव्वणसिरीए ॥ ३५० ॥ तो सो नवजोव्वणनिव्विवेयसिंगारिमित्तजुत्तो वि । सुवियड्ढपोढपन्नंगणागणेहि य पहासो वि ॥ ३५१ ॥ पयईए वि धम्मपरो अवज्जभीरु अकज्जचाई य । करुणापरो सलज्जो पसंतवेसो उदारो य ।। ३५२ ॥ देव - गुरुदंसणेणं सया वि उव्वहइ पहरिसुक्करिसं । मन्नइ असमसुहकरिं गुणिगोठि अमयवुट्ठि व ॥ ३५३ ॥ समहिगयाओ वि कलाओ तस्स पुणरुत्तमब्भसंतस्स । वच्चति वासरा तायपायसेवागयमणस्स ॥ ३५४ ॥
Jain Education International
For Private & Personal Use Only
२९
www.jainelibrary.org
