________________
सिरिअणंतजिणचरियं पहु ! एक्कपविं हरिमिव पवित्तयालंकियं पराजेउं । मयराइयगयं पिव नहसोहं पाणिपउमं व ॥ ३२९ ॥ महिहरसिरठवियपयं तुमं व तमनासयं पसंतं व ।। केवलनाणं व महानंदकरं कुवियमिव दिन्नं ॥ ३३० ॥ संतावहरं व कामउद्दीवयं कलत्तं व । निस्ससलोहवल्लहमसरिससोहम्मिय नरं व ॥ ३३१ ॥ ता एयस्सिविणयफलवागरणेणं मणप्पमोयं मे ।। उप्पायसु पहु ! इय जंपिऊण सा मोणमल्लीणा || ३३२ ॥ विन्नायसिविणयत्थो राया नाया समत्थसत्थाण । उल्लवइ पिए ! सव्वुत्तमो इमो सिविणओ तुज्झ ॥ ३३३ ॥ देवि ! जहा चंदो ईसरेण धरिओ नियम्मि सिरकमले । तह तुह सुयं पि धरिही सिरम्मि निवमंडलं सयलं ॥ ३३४ ॥ विण्णायसिविणयत्था हरिसवियासेण पूरिया देवी । पुन्निमनिसि व्व निम्मलपसरियजोण्हप्पवाहेण || ३३५ ॥ जंपइ पहु ! तुम्ह पयप्पसायओ कहियगुणवरो पुत्तो । होउ जओ पसिद्धी अवितहवयणा सया गरुया || ३३६ ॥ ससिसिविणसूइयसुहो संभूओ तीए उत्तमो गब्भो । वड्ढई सद्धिं पुन्नोदएण रन्नो अणुदिणं पि ॥ ३३७ ॥ दोहलया देवीए जाया संपूरिया य ते रन्ना । वल्लहदइयांभिमयं पूरइ इयरो वि, किन्न निवो ? ॥ ३३८ ॥ पसवावसरे पत्ते पुत्तं सव्वुत्तमं पसूया सा । कोमलकरप्पयारं सियबीया बालचंदं व ॥ ३३९ ॥ तयणु महाणंदाए दासीए सहागओ महीनाहो । सुयजम्ममहाणंदेण झत्ति वद्धाविओ गंतुं ॥ ३४० ॥ ता कोडी रयणाणं कोडीरयवज्जियं च आसरणं । देइ महाणंदाए निवो महाणंदपरिवितो || ३४१ ॥
Jain Education International
For Private & Personal Use Only
www.jainelibrary.org
