________________
गिहिधम्मे चंदसेणकहा
रायत्थाणट्ठावियमणिमयसीहासणे समुवविट्ठो । कयरज्जकज्जचिंतो सहं विसज्जिय निवो भुत्तो
एवंरूवाणेगविहवाससब्भूयकिच्चकरणेण । अइवाहइ नरनाहो दिवसं उदयाओ जावऽत्थं ।। ३१७ | एत्थंतरम्मि अत्थगिरिमत्थए संज्झरायवरतरणी । तुंगसुरालयसिहरे विरायए कणयकलसो व्व ॥ ३१८ ॥ संज्झाणुरायवरगयणमंडले सहइ थूलतारोहो । कुंकुमरसच्छडारुणमहीए कुसुमोवहारो व्व ॥ ३१९ ॥ दूरं सूरत्थमणे वियंभियं भूरि भेरवतमेण ।
लहइ च्चिय अवयासं कम्मि वि समए असत्तो वि ॥ ३२० ॥ विमला वि मइलियाओ दिसाओ सच्छं पि कलुसियं गयणं । तिमिरेणं-मलिणाणं लद्धप्पसराण किमक्किच्चं ? ।। ३२१ ।। काउं उदयं ससिणा हरियं भुवणाओ सव्वमवि तिमिरं । सुहभावेणं मुणिमाणसाओ गुरुपावपडलं व ॥ ३२२ ॥ तो संज्झावसराराहियजिणिंदपयपूयणविहाणो । सुमरियगुरुपयपउमो परियत्तियपंचपरमेट्ठी ॥ ३२३ ॥ विरइयअसरिससिंगारसारवाहरियसुरवइविलासो । पत्तो सुद्धंते तप्पवेससमुचियजणेण समं ॥ ३२४ ॥ उवविट्ठो वासहरब्भंतरपल्लंके ललियतूलीए । सव्वंपि परीवारं विसज्जए विहिय सम्माणं ॥ ३२५ ॥ मणिघडियपायपीढोवविट्ठदेवीए देवया दिन्नं । सुयलाहं संसाहइ तं सोउं सा वि संतुट्ठा ।। ३२६ ।। ता तीए सह सलीलं कीलं काऊण विसयसंभूयं । हरिसाऊरियहियओ माणइ निद्दासुहं राया ॥ ३२७ पडिपुन्नचंदबिंबं मुहं पविठ्ठे पलोइउं सिविणे । देवी महुरसरेणं पडिबोहिय भणइ नरनाहं ॥ ३२८ ॥
Jain Education International
३१६ ॥
For Private & Personal Use Only
२७
www.jainelibrary.org
