________________
५४८
एत्थंतरम्मि पहयप्पहायजयतूरनायनिसिविरमे । कयपाहाउयकिच्चो राया अइवाहए दिवस || ७०३२ || उव्वहइ गब्भपब्भारमसमसंपज्जमाणमणवंछा । कारिज्जंती देवी गब्भसमुब्भवकिरियनियरं ॥ ७०३३ ॥ अह सुहतिहिं तारयवारकरणजोगुब्भवम्मि लग्गंमि । सिय बीय व्व ससिकलं देवीदुहियं पसूया सा || ७०३४ ॥ वद्धाविओ सुयाए दासीए पियमुहीए खयरवई । तेण वि तीए विइन्नं पीइपयाणे पभूयधणं ॥ ७०३५ ॥ कारावियं च नयरे वद्धावणयं महाविभूईए । पविसिरअक्खयवत्तं परिवज्जिरमंगलाउज्जं ॥ ७०३६ ॥ ससि - रवि-दरिसण- छट्ठी- जागरणपमुहे कयम्मि करणिज्जे । सिविणसमं नामं से दिन्नं सिंगारदेवी त्ति ॥ ७०३७ ॥ परिवद्धिउं पवत्ता बाला बीया मयंकलेह व्व । परिपाढिया य इत्थीजणजोग्गकलाकलावं सा ॥ ७०३८ ॥ रयणि व्व ससहरेणं सरसि व्व वियासिकमलसंडेण । नवजोव्वणेण तरुणायणमणहरेणं अलंकरिया || ७०३९ ॥ तद्देहाओ वियसंतकंतिकलियाओ ससहराओ व्व । करधरियाई व न चलंति खयरतरुणयणनयणा ॥ ७०४० ॥ अप्पुव्व च्चिय मइरा बाला दिट्ठा वि तरुणलोयाण । जणयंती उम्मायं दिंती नयणाण राई च ।। ७०४१ ॥ उज्जाणाइसु निच्चं कीलाकरणाइं जत्थ अल्लियइ । तं ठाणमिंति तरुणा मयणाणाणलणत्थं व ॥ ७०४२ ॥ वीणा - वायणकलगीन्य-करणसनद्धविरयणाईहिं । कालं अइवाहइ सा सुवियड्ढसहीयणसमेया ॥ ७०४३ ॥ दट्ठूण नवजोव्वणमणोहरं कन्नयं खयरचक्की |
चिंतइ को नाम वरो वरो भविस्सइ मह सुयाए ? || ७०४४ ॥
Jain Education International
सिरिअणंतजिणचरियं
For Private & Personal Use Only
www.jainelibrary.org
