________________
५४६
सिरिअणंतजिणचरिर विज्जाहरो वि चडिओ तो उप्पइयं नहे मणिविमाणं । पुट्ठो कुमरेण नियुत्तमुदयहेडं मह कहेसु ॥ ७००६ ॥ तेणुत्तं ता नरनाह ! पुत्तमूलाओ सुणसु वुत्तंतं । जेणप्पओयणेणं तत्थाह नेमि तं इण्हि ॥ ७००७ ॥ अवगाहियपुव्वावरजलहीजलकेलिलोलपुरिसो व्व । अस्थि गिरी वेयड्ढो सुपडं बंभो व्व तुरओ व्व ॥ ७००८ ॥ पडिबिंबियानिलचला तमालतरुसंडमंडली जम्मि । रविकर-कयत्थणभया कंपइ सरणासिय व्व निसा ॥ ७००९ ॥ रुप्पयमयासु सेणीसु जस्स नयरेसु रयणभवणाई । घणउयहीसुं सग्गेसु मणिविमाणाई व सहति ॥ ७०१० ॥ तम्मि पुरनियरपवरं रहनेउरचक्कवालपुरमत्थि ।। तं चोज्जं जम्मणिमयमवि न चइयं दाहिणासं जं ॥ ७०११ ॥ सच्छप्फलिहसालग्गसग्गिकविसीसयोहसेणीहिं । एगंतरट्ठियाहिं कंचणकलहोयरइयाहिं ॥ ७०१२ ॥ नयरस्सिरी निरिक्खणदीवंतरआगयाहिं जं सहइ । घंटायरेहि वायरससहरबिंबावलीहिं व ॥ ७०१३ ॥ (जुयल) तं परिपालइ घणरयणकुंडलो रयणकुंडलो नाम ।
खेयरचक्की सक्कीसाणसुरेसरसरिसरिद्धी ॥ ७०१४ ॥ सायरपयमज्झट्ठिओ वेयड्ढमहीहरस्सिओ सइ जो । जंबुद्दीवो इव भद्दसालनयरईओ व सहइ ॥ ७०१५ ॥ निग्गयगुरुप्पयावो जो विमयगुरुप्पयावलसिओ वि । सच्चावहारजुत्तो असच्चपरिहारचित्ता वि ॥ ७०१६ ॥ तस्संतेउरकमणीयकामिणीसामिणी सुगयगमणो । रमणीरयणं कंता समत्थि रयणावली नाम ॥ ७०१७ ॥ सज्जेट्ठा परमासा सुहालया सुपवित्तवयणा य । सव्वत्था वि दुहत्था सया दुहत्था वि हु सुहत्था ॥ ७०१८ ॥
Jain Education International
For Private & Personal Use Only
www.jainelibrary.org
