________________
रयणसुंदर कहा
जणणीपयपंकयमिलियभालतलनमिय कहिय नियकुसलो । उवविट्ठो आसणमुज्झिऊण भूमीए उ पुरओ ।। ६९४२ ।। एत्थंतरम्मि बहिरियदियंतरा कणयनेउररवेण । कुमरं बहूसहिदासीविसरजुया रइयनीरंगी ।। ६९४३ ॥ ससुरयपयसयवत्तं नमइ महीवट्ठपुट्ठभालयला । दिन्ना तेणासीसे तं पुत्तवई भवेज्जति ॥ ६९४४ || (जुयलं) तो सासुयाए पाए पणमिय तीसे वि आसियं सोउं । परितुट्ठा उवविट्ठा तव्वामसमीवदेसम्मि ॥ ६९४५ ॥ तयणुप्पणमंतिनिवं मंडलिया मंतिणो य सामंता । पडिहारप्पमुहा विहु निवेण सम्माणिया सव्वे ।। ६९४६ ।। वत्तावसरप्पत्ता सीहाइउवद्दवो कुमारस्स ।
कहीओ सचिवेण नरेसरस्स नियकडयमिलणंतो ॥ ६९४७ ॥ तं सोऊणं राया भाविय सुयभूरि असुहसंभारो । खणमेत्तणुभूय हो पुत्तं पइ जंपए एवं ॥ ६९४८ ॥ निययप्पासार विव अडई मज्झे वि जाय ! संजायं । सीहुत्तासाइभयं महादुहं असरिसं तुझं ॥ ६९४९ ॥ पुव्वकयसुकयखणविग्घभावओ जायमसुहमइतिव्वं । अचिरेण वि अवसरियं गहवइणो राहुबिंबं व ॥ ६९५० ॥ इय काउं कडयुब्भववत्ताओ निवेण विहियसम्माणो । मंतिप्पमुहो लोगो सव्वो वि गओ सठाणेसु ।। ६९५१ ॥ सम्माणिउं सुउं वि हु बहुया सहिओ विसज्जिओ संतो । नयपिउपयसयवत्तो पत्तो निययम्मि आवासे ॥ ६९५२ ॥ तत्थ ट्ठिओ पियाए सुवियड्ढाए समं कुणइ कीलं । पहोत्तरबिंदुमई पहेलिया पमुहगोट्ठीहिं ॥ ६९५३ ॥ निच्चं पि मित्तमंडलकलिओ सो रायवाडियं कुणइ । पणमइ य जणयपाए सहाए गंतुं तिसंझं पि ॥ ६९५४ ॥
Jain Education International
For Private & Personal Use Only
५४१
www.jainelibrary.org
