________________
५४०
एवं परुप्परकहं काउं कुमरो वि सज्जियत्थाणो । न्हाण - विलेवण - भोयण - सयणेहिं महो ति संगमिउं ॥ ६९२९ ॥ दावियपयाणढक्को चलिओ चउरंगचक्ककयवेढो । अणवरयपयाणेहिं नियपुरिपरिसरवरं पत्तो ॥ ६९३० ॥ विन्नाय नियसुयागमणजायपरितोसपूरियंगेण । काराविया पुरिसोहा रन्ना रोमंचनिव्विएण ॥ ६९३१ ॥
सिरिअणंतजिणचरियं
माऊरछत्तधवलायवत्ततोरणअलंबचिंधेहिं ।
सयलो वि अलंकरिओ मालो कलिओ पउलीहिं ॥ ६९३२ ॥
।। ६९३३ ||
चच्चरचउक्कचउमुहतियाइठाणेसु संठिया मंचा । मंदानिलरिंछोलियधयालिझणहणिरकिंकिणिया नम्मपडिमेहडंबरजद्दरवीणाइवीणनेत्तेहिं । मुत्तारयणालीहिय पयििट्टया हट्टसोहा वि ॥ ६९३४ ॥
सत्तच्छयकुसुमामोयसरिसमयवारिभमिरभमरभरे । आरूढो सकलत्तो करेणुराए नरिंदसुओ ॥ ६९३५ ॥ छणरयणीयररमणीयछत्तअंतरियतिव्वरवितावो । वीइज्जतो कमणीयकामिणीचलिरचमरेहिं ॥। ६९३६ ॥ गयघडकयपरिवेढा खणहणिखलीण तुरयराइजुओ । चलचक्कारयखलहलिरकंसिया रहवरुव्वूहो ॥ ६९३७ ॥ रणनिव्वडियभडावलिकलियो चलिओ नरेसरं गरुहो । माणिक्कमयाभरणप्फुरियकरो सरयतरणि व्व ॥ ६९३८ ॥ ठाणट्ठाणसमारब्भमाणपेच्छयजणच्छिसुहयाणि ।
पेच्छणयाइं नियंतो कुमरो अत्थाणमणुपत्तो ॥ ६९३९ ।। सीहासणठियजणयं दट्ठूण महीलुलंतनियदेहो । गंतुं पिउणो पासे पणमइ तप्पायसयवत्तं ॥ ६९४० ॥ उक्खिवियनियंगरुहो गाढं आलिंगिओ महीवइणो । पिउ - पुत्ता संजाया सुहिणो पुच्छिय कुसलवत्ता ।। ६९४१ ॥
Jain Education International
For Private & Personal Use Only
www.jainelibrary.org
