________________
५३८
सामंतमंडलेसरमंतीहिं पयंपियं निसाए इमं ।
जह गोसे पहु विरहे चियचडणं आयरिस्सामो ॥ ६९०३ ॥ जं दंसिस्सामो कहमम्हे नियवयणमवणिनाहस्स । जं रक्खिउं निउत्ता तेण विउत्ता पुरे गंतुं ।। ६९०४ ॥ ईय ताण तणलहूकयनिययसरीराणं मंतयंताण । पुक्करियकंचुइणा कुमरपिया कत्थइ मय त्ति ॥ ६९०५ ॥ तो मंतिपमुहलोगो काउं करदीविएवडियबाहिं । तीए अवलोयणत्थं गिरिसिरगहणेसु परियडइ ॥ ६९०६ ॥ कुमरेणुत्तं तीए निरिक्खणे हयपियाए किं कज्जं ? | सो आह तयं पेसियजणयस्स जणो चियं चडिही ।। ६९०७ ॥ कुमरेणुत्तं गंतुं वद्भावसु मंति - पमुहलोयंतं ।
जेणाहं सो कुमरो कुसली भज्जा य सा एसा ।। ६९०८ ॥ तो सो गुरुवेगेणं गंतुं मंडलिय - मंति - सामंते । वद्धावयं कुसलागयसकलत्तं कुमारकहणेण ॥ ६९०९ ॥ तो सुय - सपियकुमरो आगमणा अमयाभिसित्तगं व्व । ते सुहिणो संजाया सासयसुहसिद्धिपत्त व्व ॥ ६९१० ॥ कंचणमयजीहाए सह रयणाभरणवत्थदाणेण । सम्माणो तस्स कओ अमच्चपमुहेण लोएण ।। ६९९९ ।। तो तन्निदंसियपहा अमच्चमंडलियसव्वसामंता । सपियं नियंति कुमरं सोदयसंझं दिणमणिं व ॥ ६९१२ ॥ राहुग्गहणविमुक्कं च ससहरं हरिसमहावयुच्चरियं । दठ्ठे कुमरं पणमंति ते महीमिलियभालयला ॥। ६९१३ ।। घोरंसुबिंदुदंतुरियलोयणा गग्गयस्सरं बिंति । पहु ! कुसलं तुम्हाणं उत्तिन्ना णावयसमुद्दे ॥ ६९१४ ॥ जइ एत्तियवेलाए तुब्भेहिं ता न ता धुवं इहि । हुंतो पहुभत्ताणं ता वहलोयाण संहारो ॥ ६९१५ ॥
Jain Education International
सिरिअणंतजिणचरियं
For Private & Personal Use Only
www.jainelibrary.org
