________________
रयणसुंदर कहा
इय ते तुम्ह अमंगलकलणसमुच्छलियसोयसंभारो । काऊण बहुपलावे चलिया हयभूसणं गहिउं ॥ ६८९० ॥ संझावसरे सिविरे समागया कंदिरा गुरुसरेण । उवविट्ठा महिवट्ठे तुम्ह सहामंडवे मिलिउं ॥ ६८९१ ।।
सीहुत्तड्ढतुरंगमवग्गा णायगनरेहिं नाऊण ।
जलमवि गए न पीयं तंबोलाईण का वत्ता ? ।। ६८९२ ।। नरयाओ वि दुहजणयं जलणाओ वि जणियतिव्वसंतावं । पावाओ वि उव्वेवयमहमच्चंतं दसं पत्ता ।। ६८९३ || दासीमुहआयन्निय हरिहयहयरयणभूसणाणयणं तो । अवणीए निवडिया मुच्छा पच्छाईयच्छिजुया ।। ६८९४ ॥ दासीविरईयसिसिरोवयारसंपत्तचेयणा सामि ! | काऊण बहुपलावे परिभाविउमेवमारद्धा ।। ६८९५ ॥ इहि किं जीवंती काहं नाहं विणाहमइदीणा । कत्थइ दूरे गंतुं झड त्ति मरणं अणुसरामि ॥ ६८९६ ॥ पलवंते मंतियणे परिदेवतेसु मंडलीएसु ।
सामंतेसु रुयंतेसु सो विदल्लंमि सोयंते ॥ ६८९७ ॥ होऊण कज्जसारा परिवारं वंचिउं विणिक्खंता । इह अवलंबियमरणा पहुणा जीवाविया अहुणा ॥ ६८९८ || ता सामिसाल जामो इन्हं चिय तत्थ जेण रविउदए । तुह विरहे बहुलोओ जलजलणपवेसमायरिही ॥ ६८९९ ॥ एवं ति भणिय कुमरो तीए जुओ जाव जाइ मग्गम्मि | ता नियइ पुरो करकयदीवियनियरं जणं भमिरं ॥ ६९०० ॥ तयणु कुमरेण को वि हु करे धरेऊण पुच्छिओ पुरिसो । किं भो ! तरुगहणाइसु भमइ जणो दीविया हत्थो ? || ६९०१ ॥ तेत्तं रायसुयस्स जायमच्चाहियं हरिसयासा ।
तव्विरहे भूरिजणो गोसे चडिही चिया चक्के ॥ ६९०२ ॥
Jain Education International
५३७
For Private & Personal Use Only
www.jainelibrary.org
