________________
५३६
सिरिअणंतजिणचरियं तो मुत्तूण तुरंगे पहु ! तुह मग्गेण रईय गरुयरुया । सुकुमाला वि हु भमिया कमेहिं मंडलिय-सामंता ॥ ६८७७ ॥ सुन्नासणा तुरंगा भडेहिं कडयम्मि आणिउं बद्धा । अमुणिय मयरायभया अवरहया तेहिं पक्खरिया || ६८७८ ॥ नेउं पहूण भमिराणमप्पिया तेहिं तेसुं ते चडिउं । तुह हय-पयपयचिंपइ वेगेणुद्धाइया सव्वे ॥ ६८७९ ॥ रयणीए वि करयलकलियदीवियाभिहयतिमिरपन्भारं । पसरंति तुरयचडिया सामंतामच्चमंडलिया ॥ ६८८० ॥ तरुगहणासु पविट्ठा चडिया वियडग्गसिहरिसिहरेसु । भमिया सरिया कुहरेसु तह वि तुब्भे न संपत्ता ॥ ६८८१ ॥ अब्भुग्गयम्मि सूरे भमंति खीणा वि ते अखीण व्व । अगणिय छुहा-पिवासा मग्गस्स समाचलस्सासा ।। ६८८२ ॥ निउणं निरिक्खमाणेहिं तेहिं नहमज्झमागए सूरे । दूराओ च्चिय दिट्ठो गिद्धसमूहो नहे भमिरो || ६८८३ ॥ नूणमिह किं पि मडयं भवहि त्ति धसक्कियामाण जवे । ते पत्ता तस्संते नियंति ता करिकरंकिदुगं ॥ ६८८४ ॥ फेरंडमंडलीगिद्धपक्खिभक्खिज्जमाणसव्वंगं । अमुगं ति न निच्छेउं सक्कं कीलालकद्दमिलं ॥ ६८८५ ॥ नवरं पल्लाणखलीण भूसणाईहिं निच्छिउं तुरयं । तुम्ह तणयं तिउप्पं न संतु णो बिंति अन्नोन्नं ॥ ६८८६ ॥ एसो कुमारतुरओ पल्लाणो ईहिं निच्छिओ नूणं ।। एयं पुणो करकं कस्सइ तिरियस्स न मुणेमो ॥ ६८८७ ॥ दीसइ न सामिसालो जोइज्जंतो वि इह पएसे जं । तं मन्निज्जइ भारुडपमुहपक्खीहिं नीओ त्ति ॥ ६८८८ ॥ जं पल्लाण जुओ च्चिय हओ मणो तं कुओ कुमारस्स । संभाविज्जइ जीवियमइदुट्ठमइंदनिहयस्स ॥ ६८८९ ॥
Jain Education International
For Private & Personal Use Only
www.jainelibrary.org
