________________
५३४
सिरिअणंतजिणचरियं जा केत्तियं पि भूमिं चउद्दिसिं पेच्छिरो पुरो जाइ । ता वासंगे कीयविरुइयरवं सुणइ रमणीए ॥ ६८५१ ॥ फुरियं च दाहिणेणं भुएण तह दाहिणच्छिणा तस्स । तो चिंतइ सुनिमित्तढुगं पि मह कहइ पियं जोगं ॥ ६८५२ ॥ नवरं का वि सकरुणं रुइरी रमणी जणेइ कारुन्न । अच्चंतं मह हियए ताई समवयरिउमिच्छामि ॥ ६८५३ ॥ ईय चिंतिय तस्संमुहो जंतो आयन्नए पलावे सो । हा नाह नाह ! कहसु तं गओ कत्थ मं मुत्तुं ? || ६८५४ ।। हा सइ सम्माणियमित्तवग्ग ! हा हा समग्ग सोहग्ग ! । जा न फुडइ मह हिययं ता पहु ! नियदंसणं देसु ॥ ६८५५ ॥ किं नाह ! अडइ अडणं विणा न पज्जत्तमासि तुह कहसु । जं नासविओ अप्पा सीहसयासा सतुरओ वि ॥ ६८५६ ॥ दुत्थियभवसंभूओ पवढिओ अच्चुयामरत्तम्मि । भग्गो नेहतरू इह भवफलकाले विहिगएण ॥ ६८५७ ॥ हे लोगपाल अमरा ! वणदेवीओ य मज्झ दईयस्स । तुह भज्जा तुह विरहे मय त्ति कत्थइ कहेज्जाह ॥ ६८५८ ॥ नवरं नेयम्मि भवे होज्ज दइउ भवंतरम्मि वि एसो । च्चिय सुहओ सिरिरयणसुंदरो रयणसेहरओ ॥ ६८५९ ॥ एवं परिदेवंति तं सोउं जाइ नियपियासंको ।। तुरियतरं संचलिओ कुमरो रुईयाणुसारेण ॥ ६८६० ॥ पेच्छंतो ससहरकिरणनियरपयडीकयतयं रमणिं । सुमरियदेवगुरूणं परियत्तिय पंच परमेट्ठि ॥ ६८६१ ॥ तरुसाहाबद्धनियुत्तरीयपरिविहियगाढगलपासं । विगयाहारं अत्ताणमुभयहा नियइ मुंचंति ॥ ६८६२ ॥ (कुलयं) तं झंपावडणचलंतसाहिणो उड्डिङ सउणविंदं । इन्थीवहसन्नेज्झे ठंति न अन्ने वि किमु सउणा ? ॥ ६८६३ ॥
Jain Education International
For Private & Personal Use Only
www.jainelibrary.org
