________________
६७२३ ॥
५२४
सिरिअणंतजिणचरियं पत्तो विवाहदिवसो सिग्घं पि मणोरहागरिसिओ व्व । तो वाहरिओ कुमरो परिणयणत्थं अमच्चेण ॥ ६७२१ ॥ काउं न्हाणं विरईय विलेवणं रईय रम्मसिंगारं । आरुहियं रयणभूसियगिरिंदरुंदं करि चलिओ ॥ ६७२२ ॥ छत्तालंकरियसिरो पणंगणापाणिचलिरचमरचओ । गयतुरयरहट्ठिय मंडलीय-सामंत-मंतिजुओ ॥ ६७२३ ॥ वज्जिर निरवज्जाउज्जमंजुलारावभरियबंभंडो । वीणावेणुसरुम्मिस्सकामिणीगीयमाणगुणो || ६७२४ ॥ परिपेच्छंतो हट्टं पेच्छणयाई पहे मयच्छीणं । पत्तो कमेण कुमरो विवाहमंडवदुवारम्मि ॥ ६७२५ ॥ बंदीहिं पढिज्जंतो य पेच्छिज्जंतो य पेच्छयच्छीहिं । सलहिज्जंतो सुयणेहिं थेरिआसीहिं थुव्वंतो ॥ ६७२६ ॥ उत्तिन्नो गयखंधाओ कणयमणिजणियमालगणियाए । अणुभविय मंगलायारमुत्तमं भिउडिभंगाइं ॥ ६७२७ ॥ वामकमेण पहणियपिसुणं च सरावसंपुडं ससिहिं । संनिसुयसुयालग्गो विवाहमंडवमणुपविट्ठो ॥ ६७२८ ॥ माइहरयम्मि पत्तो सो कुमरि जत्थ चंदधवलेण । पुन्नेण व वत्थेणं आवरिया चिट्ठइ निविट्ठा ॥ ६७२९ ॥ अप्पाणं छाएउं उवविट्ठो सो वि संमुहो तीए । अहवा तं वसियरणं पराणुवित्तिप्पवित्ती जा ॥ ६७३० ॥ इटें से विप्पेणं कुमारकुमरीण मेलिया हत्था । पुन्नाहं पुन्नाहं ति भणिय सह ताण वित्तेहिं ॥ ६७३१ ॥ तं मुहमुग्घाडावइ सहीण दाऊण मग्गियं कुमरो ।। जीए कए सव्वस्सं पि दिज्जए तीए किमदेयं ॥ ६७३२ ॥ मिलिया दिट्ठी दिट्ठीए ताण मन्नोन्नरूवविम्हियओ । विम्हरियनिमेसाण व तारा मेलावयावसरे ॥ ६७३३ ॥
Jain Education International
For Private & Personal Use Only
www.jainelibrary.org
