________________
५२३
रयणसुंदरकहा कुमरागमणप्पहरिसियनरेसराएसउ महो विहिओ । पउरेहिं पुरे रत्थाओ सोहिया समग्गाओ ॥ ६७०८ ॥ . गंधजलासारेणं सित्ते कुसुमुक्करो पुरो खित्तो । तिय-चच्चराइसु कया मंचा रणज्झणिरकिंकिणिया ॥ ६७०९ ॥ चिंधालं बद्धयछत्तसिक्किरीतोरणेहिं सव्वो वि ।। सालो सगोउरो वि हु चउपासमलंकिओ तत्थ ॥ ६७१० ॥ पत्तो पच्चोणीए राया कुमरस्स गरुयरिद्धीए । कुमरो वि तम्मि तं पेच्छिऊण राइणा समुवइन्नो ॥ ६७११ ॥ रन्नो पुण उ भूपुट्ठपुट्ठभालयलसहनिवेणा वि । आलिंगिओ पुरद्दारअग्गला दीहबाहाहिं ॥ ६७१२ ॥ आपुच्छिओ य कुसलं पयासए विहियविणयपडिवत्ती । तो गुरुरिद्धीए निवेण कारिओ पुरपवेसो से || ६७१३ ॥ नाडयलउडारसमल्लजुज्झपेच्छणयरासयसयाई । तियचच्चराइं मंचेसु पेच्छिरो विसयविवणीए ॥ ६७१४ ॥ इय रिद्धिवित्थरेणं पत्तो नरवइसमप्पिए परमे । पासाए कंचणकलसतोरणस्सेणिधरदारे ॥ ६७१५ ॥ आवासिया य तप्परिसरम्मि मंडलियमंतिसामंता ।। पउणीकया सुमंदिरमालासु विचित्तचित्तासु ॥ ६७१६ ॥ रन्ना चउरंगचमूचयसंजुत्तस्स रायपुत्तस्स । भोगुवभोगंगाई सघास-जवसाइपट्ठवियं ॥ ६७१७ ॥ नारयरिसी कुमारं निवमवि मोयाविऊण तप्पणओ । उप्पईय नहयलेणं गओ ससिक्खोभिमयट्ठाणं ॥ ६७१८ ॥ रईए संदम्मि विवाहमंडवे कणय-कलस-कलिएहिं । अनिलचलद्धयखलहलिरग्घग्घरा रणिरकिंकिणिए ॥ ६७१९ ॥ पउणीकिज्जंते उत्तमम्मि परिणयणजोग्गवत्थुगणे । उत्तालं भमिरे कज्जकारिनरनारिनियरम्मि ॥ ६७२० ॥
Jain Education International
For Private & Personal Use Only
www.jainelibrary.org
