________________
५२२
पुणरवि गयणुच्छंगेण नारओ दिणयरो व्व यस्सी । पत्तो सहाए तन्निवकुमारपणओ समुवविट्ठो ॥ ६६९५ ॥ तेण समं संपत्ता पुरिसा लच्छीविलासनरवइणो । नमिय निसन्ना निवदं विनयपरा विन्नवंति इमं ।। ६६९६ ॥ देव ! करिकुलविलासाभीहाणपुरपवरसामिसालेण । लच्छीविलासरन्ना कन्नं दाउं तुह सुयस्स ॥ ६६९७ ॥
सिरिअणंतजिणचरियं
नारयरिसिणो विज्जाबलेण गयणेण पेसिया अम्हे । ता पहु ! पेससु कुमरं निवकन्ना पाणिगहणत्थं ॥ ६६९८ ॥ (जुयलं) जेणासन्नं लग्गं कुमरी वि कुमारविरहविहुरंगी । नारयरिसिप्पसाया गमिही गयणेण कुमरो वि ॥ ६६९९ ॥ तो नरवइणा करि - हरि-रह - उब्भडसुहड-मंडलियकलिओ । सामंत-मंतिजुत्तो पेसिओ हरिसएण सुओ ॥ ६७०० || एत्थंतरम्मि नारयरिसिसुमरियगयणगमणविज्जाए । चउरंगचमूचक्कं चालियमदूरेण गयणेण ॥ ६७०१ ॥ वित्थिरियप्पउरपाउसमुव्वगयरायपव्वयसमूहो ।
।
विलसंतरायहंसो जणभूसणफुरियघणरयणो ॥ ६७०२ ।। अनिलचलालंबद्धयचिंधसमुल्लसियलोलकल्लोलो माऊरमेहडंबरसियछत्तविराइअंबुरुहो ॥ ६७०३ ॥ अमुक्कखग्गचक्काइसत्थगुरुमयरनक्कलल्लक्को पसरंतपउरवडवामुहजालसमुज्जलप्फेणो ॥ ६७०४ ॥
।
करिकयपुक्कारफुरियसिक्कारसारमोत्तियप्पयरो ।
वज्जिरढक्कालुक्कानीसाण - निनायगज्जिररवो ॥ ६७०५ ॥
उल्लसियसंखसद्दो रमणीअरुणाहरप्पवालधरो ।
खंधावारसमुद्दो पसरइ गयाण कुमारस्स || ६७०६ ॥ (कुलयं) नारयरिसिविज्जाविहियविविहपेच्छणयपेच्छणखित्तो ।
पत्तो कमेण कुमरो नयरे करिकुलविलासम्मि ॥ ६७०७ ॥
For Private & Personal Use Only
Jain Education International
www.jainelibrary.org
